ផ្លឹស-ខេអេក ញូវ

រកឃើញព្រះសង្ឃ៥៧អង្គបានឆ្លងកូវីដ១៩ នៅវត្តខ្នាចរមាស ស្រុកបវេល

សង្គម
September 30th, 2021 (4 years)
Views: 439
Share

បាត់ដំបង៖ ក្រុមគ្រូពេទ្យនៃមន្ទីរសុខាភិបាលខេត្តបាត់ដំបង បានចុះយកសំណាកចំពោះព្រះសង្ឃចំនួន១៣៥អង្គ គង់នៅវត្តខ្នាចរមាស ហើយលទ្ធផលបានរកឃើញ ព្រះសង្ឃចំនួន៥៧អង្គ បានផ្ទុកជំងឺកូវីដ១៩ ខណៈអាជ្ញាធរ បានសម្រេចបិទខ្ទប់វត្តខ្នាចរមាស ជាបណ្ដោះអាសន្ន។ នេះបើយោងតាមទីភ្នាក់ងារសារព័ត៌មានជាតិ នៅថ្ងៃទី៣០ ខែកញ្ញា។

ព្រះសង្ឃដែលបានរកឃើញវិជ្ជមានជំងឺកូវីដ១៩ ទាំង៥៧អង្គ ត្រូវគង់ព្យាបាលក្នុងមណ្ឌលព្យាបាលវត្តខ្នាចរមាសតែម្តង ដោយមានក្រុមគ្រូពេទ្យរបស់មន្ទីរសុខាភិបាលបាត់ដំបង នៅប្រចាំការផ្ទាល់នៅទីនោះ។

លោក ងួន រតនៈ អភិបាលខេត្តបាត់ដំបង បានអញ្ជើញចុះពិនិត្យស្ថានភាពការបិទខ្ទប់វត្តខ្នាចរមាស និងពិនិត្យការយកសំណាកព្រះសង្ឃ។ លោកអភិបាលបាននាំយក ទេយ្យទាន-ទេយ្យវត្ថុ និងគ្រឿងឧបភោគ ព្រមទាំងបច្ច័យ ប្រគេនព្រះសង្ឃដែលគង់នៅវត្តខ្នាចរមាស ដែលកំពុងបិទខ្ទប់ និងផ្តាំផ្ញើដល់ចុងភៅ សូមឱ្យមានការប្រុងប្រយ័ត្ន នៅពេលប្រគេនចង្ហាន់ដល់ព្រះសង្ឃ ដែលមានវិជ្ជមានកូវិដ១៩៕

អត្ថបទទាក់ទង

រកឃើញ​ព្រះសង្ឃ​៥៧អង្គ​បានឆ្លង​កូវីដ១៩ នៅវត្តខ្នាចរមាស ស្រុកបវេល

រកឃើញព្រះសង្ឃ៥៧អង្គបានឆ្លងកូវីដ១៩ នៅវត្តខ្នាចរមាស ស្រុកបវេល