×

មហាសេដ្ឋី​រ៉ូម៉ានី​ម្នាក់ ស្ថិតក្នុង​ចំណោម​អ្នកស្លា ប់៨នាក់​ក្នុងគ្រោះថ្នាក់​ធ្លាក់​យន្តហោះ​នៅជិត​ទីក្រុងមីឡាន

អុីតាលី៖ ប្រព័ន្ធផ្សព្វផ្សាយក្នុងស្រុក បានរាយការណ៍ថា មហាសេដ្ឋីជនជាតិរ៉ូម៉ានីម្នាក់ បានស្លាប់ រួមជាមួយប្រពន្ធ កូនប្រុស និងមនុស្ស ៥នាក់ផ្សេងទៀត នៅពេលយន្តហោះដែលគាត់កំពុងបើក បានធ្លាក់ចំអគារមួយនៅប្រទេសអ៊ីតាលី កាលពីថ្ងៃអាទិត្យ។

លោក Dan Petrescu អាយុ ៦៨ ឆ្នាំ ដែលជាបុរសម្នាក់ក្នុងចំណោមអ្នកមានបំផុតនៅក្នុងប្រទេសកំណើតរបស់គាត់ បានបើកយន្តហោះ Pilatus PC-12 ដែលសាក្សីបានឃើញអណ្តាតភ្លើង មុនពេលវាធ្លាក់ចូលទៅក្នុងអគារការិយាល័យដែលកំពុងធ្វើការជួសជុលនៅទីប្រជុំជន San Donato Milanese ជាទីក្រុងមួយនៅភាគអាគ្នេយ៍នៃទីក្រុង Milan ។

យោងតាមទីភ្នាក់ងារអាកាសចរណ៍ ANSV បានឱ្យដឹងថា គ្រោះថ្នាក់ដ៏រន្ធត់នេះ បានកើតឡើងប៉ុន្មាននាទី បន្ទាប់ពីយន្តហោះ បានហោះចេញពីអាកាសយានដ្ឋាន Linate របស់ទីក្រុងមីឡាន នៅម៉ោងប្រហែល ១រសៀល។ សេចក្ដីរាយការណ៍ថា ប្រអប់ខ្មៅរបស់យន្តហោះត្រូវបានរកឃើញហើយ។

ភរិយារបស់មហាសេដ្ឋីខាងលើ មានអាយុ ៦៥ឆ្នាំ កូនរបស់គាត់អាយុ ៣០ឆ្នាំ និងកុមារម្នាក់ ក៏ស្ថិតក្នុងចំណោមមនុស្ស ៨នាក់នៅលើយន្ដហោះដែលបានស្លាប់នៅក្នុងហេតុការណ៍នេះដែរ។

សូមជម្រាបថា លោក Petrescu ជាម្ចាស់ក្រុមហ៊ុនសំណង់ដ៏ធំមួយ និងជាម្ចាស់ផ្សារទំនើប និងម៉លជាច្រើនផងដែរ៕

អ្នកអាចចែករំលែកដោយ៖

អត្ថបទទាក់ទង