ផ្លឹស-ខេអេក ញូវ

ភ្លៀងមួយមេធំយប់មិញ បង្កឱ្យមានជំនន់ទឹកភ្លៀងហូរកាត់កំណាត់ផ្លូវជាតិលេខ៦ ក្នុងស្រុកសន្ទុក

សង្គម
October 6th, 2021 (2 years)
176
Share

ខេត្តកំពង់ធំ៖ កាលពីយប់ថ្ងៃទី០៥ ខែតុលា ឆ្នាំ២០២១ ត្រូវបានថ្ងៃឈប់សម្រាកបុណ្យភ្ជុំបិណ្ឌទី១ ឈានចូលថ្ងៃទី០៦ ខែតុលា ឆ្នាំ២០២១ នៅចន្លោះវេលាម៉ោង ១២អធ្រាត្រដល់វេលាម៉ោង ៣ទៀបភ្លឺ មានភ្លៀងធ្លាក់មួយមេយ៉ាងខ្លាំងកម្រិតបរិមាណ ១១០,៨ មីលីម៉ែត្រ នៅភ្នំសន្ទុក និងតំបន់ជុំវិញ បណ្តាលឱ្យមានជំនន់ទឹកភ្លៀងកើតឡើងភ្លាមៗនៅភូមិកកោះ និងភូមិជាយស្បៃ ឃុំកកោះ ស្រុកសន្ទុក។

ភ្លៀង បានបណ្តាលមានជំនន់ទឹកភ្លៀង និងហូរកាត់លើកំណាត់ផ្លូវជាតិលេខ៦ ប្រវែងប្រហែល ១.០០០ម៉ែត្រ, កម្ពស់ប្រហែលពី១០ទៅ៣០សង់ទីម៉ែត្រ និងលិចលើកំណាត់ភ្លឺប្រឡាយមេតាំងក្រសាំង ប្រវែងប្រហែល ៣០០ម៉ែត្រកម្ពស់ពី១០ទៅ២០សង់ទីម៉ែត្រ។ នៅវេលាម៉ោងប្រហែល៤ទៀបភ្លឺ មន្ត្រីកិច្ចសន្យាឆ្មាំទំនប់នៅទីនោះ និងសហគមន៍ បានចុះទៅបើកទ្វារទឹកនៅក្នុងប្រឡាយមេតាំងក្រសាំង ផ្នែកខាងក្រោមដែលទាក់ទងនឹងទឹកជំនន់នេះទាំងអស់។

មកដល់ពេលនេះនៅវេលាម៉ោង៦:៣០នាទី ស្ថានភាពទឹកជំនន់កាត់ផ្លូវជាតិលេខ៦ បានស្រកចុះ នៅសល់កម្ពស់ប្រហែល៥សង់ទីម៉ែត្រ ប្រវែងហូរនៅសល់ប្រហែល៣០០ម៉ែត្រ។ នៅវេលាប្រហែលវេលាម៉ោង ៨ព្រឹកនេះ ទឹកស្រកផុតលែងហូរលើកំណាត់ផ្លូវជាតិលេខ៦ នេះទៀតហើយ៕

អត្ថបទទាក់ទង

ភ្លៀងមួយមេធំ​យប់មិញ បង្ក​ឱ្យ​មាន​ជំនន់​ទឹកភ្លៀង​ហូរកាត់​កំណាត់​ផ្លូវជាតិលេខ៦ ក្នុង​ស្រុកសន្ទុក

ភ្លៀងមួយមេធំយប់មិញ បង្កឱ្យមានជំនន់ទឹកភ្លៀងហូរកាត់កំណាត់ផ្លូវជាតិលេខ៦ ក្នុងស្រុកសន្ទុក