ព័ត៌មានថ្មី
- តស៊ូគង់បានសម្រេច! ទីបំផុតចុងភៅ រតនៈ ធ្វើឱ្យសៀវភៅម្ហូបខ្មែរក្លាយជាសៀវភៅល្អបំផុតលើពិភពលោករហូតទទួលបានពានរង្វាន់អន្តរជាតិ
- ចំណងស្នេហ៍ ១១ឆ្នាំរវាង Daniel និង Kath កំពុងផ្ទុះខ្លាំងខណៈព័ស្តុតាងមួយចំនួនសង្ស័យតារាប្រុសរូបនេះមានជនទី ៣
- ធ្លាប់តែជាដៃគូសម្ដែង ស្រីឡាងត្រៀមប្រកួតទល់នឹងលោក ជាឡាយ និងសុវណ្ណនរា លើការចម្អិនម្ហូបក្នុងកម្មវិធី Chef Race by IZE នាថ្ងៃសៅរ៍សប្ដាហ៍នេះ
- ក្រោយភ្លៀងមេឃស្រលះ! ទីបំផុត Pat និងសង្សារក្មេងរបស់នាងភ្ជាប់ពាក្យជាមួយគ្នាជាផ្លូវការ
- បាន មុន្នីល័ក្ខ និង ដាភ្លេង នឹងមកបំពេអារម្មណ៍របស់ប្រិយមិត្តជាមួយបទចម្រៀងពីរោះៗក្នុងកម្មវិធី Bond for More Cambodia Night នៅយប់ថ្ងៃសុក្រសប្ដាហ៍នេះ
ខ្សែប្រយុទ្ធ Neymar បង្ហើបតម្រុយពីការចូលនិវត្តន៍ពីក្រុមជម្រើសជាតិក្រោយចប់ World Cup 2022
- កីឡា
- October 11th, 2021 (2 years)
ប្រេស៊ីល៖ ខ្សែប្រយុទ្ធ Neymar បានបង្ហើបអំពីតម្រុយចូលនិវត្តន៍ពីក្រុមជម្រើសជាតិប្រេស៊ីលក្នុងវ័យ៣០ឆ្នាំ គឺក្រោយចប់ព្រឹត្តិការណ៍ FIFA World Cup 2022 នាប្រទេសកាតា។
បច្ចុប្បន្ន Neymar មានវ័យ២៩ឆ្នាំ បានបង្ហាញខ្លួន១១៣លើកហើយឱ្យក្រុមសាំបាប្រេស៊ីល ហើយរូបគេត្រូវចាត់ទុកជាកីឡាករសំខាន់មួយរូបដែលអាចជួយប្រេស៊ីលទទួលជោគជ័យនៅ World Cup ឆ្នាំក្រោយ។ តាមពិត Neymar បានស្គាល់រសជាតិការឈ្នះពានរង្វាន់អន្តរជាតិជាមួយក្រុមជម្រើសជាតិខ្លួនរួចហើយ គឺពានរង្វាន់ Copa America 2019 ប៉ុន្តែពានរង្វាន់ World Cup នៅតែជាអាទិភាពនាំមុខដែលរូបគេចង់ចូលរួមឈ្នះជាមួយប្រេស៊ីល ប៉ុន្តែសម្ពាធនានាកន្លងមកធ្វើឱ្យរូបគេមិនមានកម្លាំងចិត្តបន្តទៅទៀតឡើយ។
ជុំវិញរឿងនេះដែរ កីឡាកររបស់ក្លិប PSG រូបនេះ បានឱ្យដឹងថា៖ “ខ្ញុំគិតថា នេះអាចជា World Cup លើកចុងក្រោយរបស់ខ្ញុំ ពីព្រោះខ្ញុំប្រហែលនឹងលែងមានកម្លាំងចិត្តក្នុងការតតាំងជាមួយបាល់ទាត់តទៅទៀតហើយ ដូច្នេះខ្ញុំនឹងខិតខំឱ្យបានល្អខ្លាំង ដើម្បីឈ្នះពានរង្វាន់នោះជាមួយប្រទេសរបស់ខ្ញុំ ក៏ដូចជាសម្រេចក្តីស្រមៃតាំងពីតូចមក”។
ជាការពិត សម្រាប់ Neymar ចាប់តាំងពីការលេងឱ្យជម្រើសជាតិនៅខែសីហា ឆ្នាំ ២០១០ មកទល់ពេលនេះ គេដូចជា Messi និង Ronaldo អ៊ីចឹង ពោលមិនទាន់ស្គាល់រសជាតិលើកពានរង្វាន់ FIFA World Cup នៅឡើយ ត្បិតអីក្រុមប្រេស៊ីល ក៏រាប់បានជាជម្រើសជាតិមានប្រព័ន្ធលេងដ៏លេចធ្លោមួយនោះ។ ប្រេស៊ីល ឡើងខ្ពស់បំផុតនៅចន្លោះពេលដែល Neymar ឈរជើង គឺវគ្គ ៤ ក្រុមចុងក្រោយ តែបរាជ័យយ៉ាងធ្ងន់ធ្ងរ ក្រោមលទ្ធផល ៧-១ ទល់អាល្លឺម៉ង់ ហើយការលេងដណ្តើមយកលេខ៣បែរជាចាញ់ហុល្លង់ថែមទៀត។ សម្រាប់ World Cup ឆ្នាំ ២០១៨ ពួកគេធ្លាក់ក្រោមថ្វីជើងរបស់បែលហ្ស៊ិក នៅវគ្គ ៨ ក្រុមចុងក្រោយ៕
អត្ថបទទាក់ទង
រៀងរាល់ថ្ងៃចន្ទ-ព្រហ ម៉ោង៨យប់
រៀងរាល់ថ្ងៃសុក្រ ម៉ោង៩យប់
អាពាហ៍ពិពាហ៍បែកបាក់ ចន្ទ-សុក្រ ១១ថ្ងៃត្រង់
រៀងរាល់ថ្ងៃអាទិត្យ ម៉ោង៨យប់
លោកប៉ា អច្ឆរិយ
របាំបញ្ចាំចិត្ត ចន្ទ-សុក្រ ១២ថ្ងៃត្រង់
