ផ្លឹស-ខេអេក ញូវ

ក្រសួងប្រាប់ឱ្យប្រុងប្រយ័ត្នខ្ពស់ ខណៈកម្ពុជា នឹងរងឥទ្ធិពលអាកាសធាតុចំនួន៣ នៅសប្ដាហ៍នេះ

សង្គម
October 12th, 2021 (3 years)
Views: 353
Share

ភ្នំពេញ៖ យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បានឱ្យដឹងថា ក្នុងសប្តាហ៍ខាងមុខនេះ ព្រះរាជាណាចក្រកម្ពុជា នឹងទទួលនូវបណ្តាឥទ្ធិពល ដូចខាងក្រោម៖

-នៅថ្ងៃទី១៣-១៤ ខែតុលា ឥទ្ធិពលពីជ្រលងនៃព្យុះ KOMPASU ក្នុងកម្រិតមធ្យម។
– នៅថ្ងៃទី១៥-១៧ ខែតុលា ឥទ្ធិពលមូសុងនិរតីខ្លាំង និងប្រព័ន្ធសម្ពាធទាបភ្ជាប់ជាមួយវិសម្ពាធដែលស្ថិតក្នុងសមុទ្រចិនខាងត្បូង ។
-នៅថ្ងៃទី១៨ -១៩ ខែតុលា ទ្រនុងសម្ពាធខ្ពស់ចិននិងរំកិលចុះមកក្រោមមកដល់ភាគខាងជើងន ព្រះរាជាណាចក្រកម្ពុជា។

ស្ថានភាពបែបនេះនឹងធ្វើឱ្យបណ្តាខេត្តនៅតំបន់វាលទំនាបកណ្ដាល នៅថ្ងៃទី១៣-១៤ ខែតុលា នឹងអាចមានភ្លៀងធ្លាក់ក្នុងកម្រិតបង្គួរ និងមានខ្យល់កន្ត្រាក់ក្នុងល្បឿន មធ្យមមានជាអាទិ៍ខេត្ត៖ ប៉ៃលិន, ពោធិ៍សាត់, កំពង់ឆ្នាំង, កំពង់ស្ពឺ, កណ្ដាល, តាកែវ, ព្រៃវែង និងរាជធានីភ្នំពេញ ។

បណ្តាខេត្តជាប់ជួរភ្នំដងរែក និងខ្ពង់រាបឦសាន អាចនឹងមានភ្លៀងក្នុងកម្រិតពីខ្សោយទៅមធ្យម ចំណែកតំបន់មាត់សមុទ្រ អាចនឹងមានភ្លៀងក្នុងកម្រិតពីតិចទៅច្រើន។ តែនៅថ្ងៃទី១៣-១៥ ខែតុលា អាចមានភ្លៀងច្រើន និងមានខ្យល់កន្ត្រាក់ក្នុងល្បឿនខ្លាំងនិងរលកសមុទ្រខ្ពស់មានជាអាទិ៍ខេត្ត៖ កោះកុង, ព្រះសីហនុ, កំពត, និងខេត្តកែប។

អាស្រ័យស្ថានភាពធាតុអាកាសនេះ ក្រសួងធនធានទឹក បានអំពាវនាវដល់សាធារណជនមេត្តាជ្រាបជាព័ត៌មាន និងបង្កើនការប្រុងប្រយ័ត្នខ្ពស់៕

អត្ថបទទាក់ទង

ក្រសួង​ប្រាប់ឱ្យ​ប្រុងប្រយ័ត្ន​ខ្ពស់ ខណៈ​កម្ពុជា នឹងរងឥទ្ធិពល​អាកាសធាតុ​ចំនួន៣ នៅសប្ដាហ៍នេះ

ក្រសួងប្រាប់ឱ្យប្រុងប្រយ័ត្នខ្ពស់ ខណៈកម្ពុជា នឹងរងឥទ្ធិពលអាកាសធាតុចំនួន៣ នៅសប្ដាហ៍នេះ