ផ្លឹស-ខេអេក ញូវ

ស្វាមី Barbie Hsu បញ្ជាក់ថា រវាងលោក និងភរិយាគ្រាន់តែមានការយល់ច្រលំគ្នាបន្តិចបន្តួចប៉ុណ្ណោះ ពេលនេះបានផ្សះផ្សាគ្នាវិញហើយ

កម្សាន្ត
October 13th, 2021 (4 years)
Views: 431
Share

រំឭកទៅកាលពីខែមិថុនាកន្លងទៅ Barbie Hsu បានប្រកាសថា នាងនឹងដាក់ពាក្យប្តឹងលែងលះស្វាមីដោយនាងមិនបានបញ្ជាក់ពីហេតុផលឡើយ។ យ៉ាងណាមិញ សម្រាប់ម្តាយរបស់តារាស្រីរូបនេះ និងស្វាមីវិញ បាននិយាយថា មិនមានរឿងបែបនេះឡើយ អ្នកទាំងពីរ គ្រាន់តែឈ្លោះទាស់ទែងគ្នាបន្តិចបន្តួចប៉ុណ្ណោះ មិនមានអ្វីធំដុំដល់ថ្នាក់លែងលះឡើយ។

កន្លងទៅអស់រយៈពេល៤ខែ នៅថ្ងៃទី៦ ខែតុលាកន្លងទៅ គឺជាថ្ងៃកំណើតរបស់តួឯកស្រីរូបនេះចូលវ័យ៤៥ឆ្នាំ ដូចនេះស្វាមីនាងគឺលោក Wang Xiaofei បានលះបង់ធ្វើដំណើរពីប្រទេសចិនទៅកោះតៃវ៉ាន់ដោយត្រូវធ្វើចត្តាឡីស័ករយៈពេល១៤ដើម្បីបានមកឆ្លងថ្ងៃកំណើតប្រពន្ធសំណព្វចិត្ត។ យោងតាមព័ត៌មានក្នុងស្រុក បានបញ្ជាក់ថា នេះមិនមែនជាលើកទី១ឡើយ ដែលស្វាមីតារាស្រីរូបនេះសុខចិត្តធ្វើចត្តាឡីស័ក១៤ថ្ងៃដើម្បីទៅជួបប្រពន្ធកូន ពោលនេះជាលើកទី៤ហើយ។

រយៈពេលនៃការធ្វើចត្តាឡីស័កនៅសណ្ឋាគារ Xiaofei បានធ្វើការផ្សាយផ្ទាល់ និងត្រូវមនុស្សជាច្រើនសួរនាំពីរឿងលែងលះរវាងលោក និងភរិយា តែត្រូវលោកបកស្រាយថា ទាំងនេះគ្រាន់តែជារឿងយល់ច្រលំគ្នាប៉ុណ្ណោះ។

គួរបញ្ជាក់ដែរថា តាមការបញ្ជាក់ឱ្យដឹងពីម្តាយរបស់ Barbie បានឱ្យដឹងថា អ្នកទាំងពីរ បានដោះស្រាយបញ្ហា និងជានាគ្នាវិញហើយ៕

អត្ថបទទាក់ទង