×

ស្ត្រីជនជាតិតួកគី​វ័យ២៤ឆ្នាំម្នាក់​ត្រូវបាន​ទទួលស្គាល់​ជាស្ត្រី​ដែលមានកម្ពស់​ខ្ពស់ជាងគេបំផុត​លើ​ពិភពលោក

អង់ការ៉ា៖ ស្ត្រីជនជាតិតួកគីវ័យ២៤ឆ្នាំម្នាក់ ដែលមានកម្ពស់ ២,១៥ម៉ែត្រត្រូវបានកំណត់ត្រាឯតទគ្គកម្មពិភពលោក (Guinness World Records) ទទួលស្គាល់ជា ស្ត្រីនៅរស់ដែលមានកម្ពស់ខ្ពស់ជាងគេបំផុតនៅលើពិភពលោក។

កំណត់ត្រាឯតទគ្គកម្មពិភពលោក (Guinness World Records) បាននិយាយនៅក្នុងសេចក្តីថ្លែងការណ៍កាលពីថ្ងៃពុធ ទី១៣ ខែតុលា ថា កម្ពស់ដ៏អស្ចារ្យរបស់កញ្ញា រូមេសា ជេលហ្គី (Rumeysa Gelgi) គឺបណ្តាលមកពីប្រភេទជំងឺស៊ីនដ្រូមម្យ៉ាងដែលធ្វើឱ្យមានការលូតលាស់លឿន និងមានភាពមិនប្រក្រតីផ្សេងទៀត។

កម្ពស់របស់កញ្ញា ជេលហ្គី (Gelgi) ត្រូវបានវាស់ម្តងទៀត នៅក្នុងឆ្នាំនេះ បន្ទាប់ពីបានជាប់ឈ្មោះជាស្ត្រីវ័យជំទង់នៅរស់ដែលមានកម្ពស់ខ្ពស់ជាងគេបំផុតនៅលើពិភពលោក កាលពីឆ្នាំ២០១៤នៅពេលដែលគាត់មានអាយុ១៨ឆ្នាំ។

ដោយសារបញ្ហាសុខភាពរបស់គាត់ កញ្ញា ជេលហ្គី (Gelgi) តែងតែជិះរទេះរុញ ប៉ុន្តែគាត់អាចដើរបានខ្លះៗដោយប្រើឧបករណ៍ជំនួយ។

កញ្ញា ជេលហ្គី (Gelgi) បាននិយាយក្នុងសេចក្តីថ្លែងការណ៍ថា៖ “រាល់គុណវិបត្តិអាចប្រែក្លាយទៅជាគុណសម្បត្តិសម្រាប់ខ្លួនអ្នក ដូច្នេះត្រូវទទួលស្គាល់ខ្លួនឯងថាអ្នកជានរណា, ត្រូវដឹងពីសក្តានុពលរបស់អ្នក និងខំប្រឹងធ្វើឲ្យអស់ពីសមត្ថភាព៕”

អ្នកអាចចែករំលែកដោយ៖

អត្ថបទទាក់ទង