×

អាជ្ញាធរ​ខេត្តរតនគិរី ប្រកាស​ប្រុងប្រយ័ត្ន​ពី​ស្ថានភាព​ទឹកទន្លេស្រែពក កំពុង​ហក់ឡើង​ក្នុង​ភូមិសាស្ត្រ​ស្រុកលំផាត់ ខណៈ​ភាគី​វៀតណាម​បើកទ្វារទឹក

រតនគិរី៖
លោក ញ៉ែម សំអឿន
អភិបាលខេត្ត និងជាប្រធានគណៈកម្មាធិការគ្រប់គ្រោះមហន្តរាយខេត្តរតនគិរី បានណែនាំ ណែនាំឱ្យអាជ្ញាធរគ្រប់លំដាប់ថ្នាក់សហការជាមន្ទីរជំនាញ,អង្គភាពពាក់ព័ន្ធនិងកងកម្លាំងប្រដាប់អាវុធទាំង៣ប្រភេទទាំងមធ្យោបាយ សម្ភារ ដើម្បីត្រៀមជួយអន្តរាគមន៍ប្រជាពលរដ្ឋពេលមានករណីទឹកឡើង។

ការថ្លែងនេះរបស់លោក ញ៉ែម សំអឿន នារសៀលថ្ងៃទី១៧ ខែតុលាឆ្នាំ២០២១នេះ ក្នុងឱកាស
ចុះត្រួតពិនិត្យស្ថានភាពទឹកទន្លេស្រែពក ដែលកំពុងឡើងក្នុងភូមិសាស្ត្រស្រុកលំផាត់។

លោក ញ៉ែម សំអឿន បញ្ជាក់ឱ្យដឹងទៀតថា ស្ថានភាពទឹកទន្លេស្រែពក ក្នុងថ្ងៃនេះ មានសភាពទឹកកម្ពស់កើនឡើង ដោយសារជំនន់ទឹកភ្លៀង គួបផ្សំនឹងខាងប្រទេសវៀតណាម បើកទ្វារទំនប់ទឹកវារីអគ្គិសនីនាំឱ្យមានសន្ទុះទឹកទន្លេស្រែពកហក់ឡើងប៉ុន្តែក្នុងថ្ងៃដដែលនេះស្ថានភាពទឹកនៅប្រទេសវៀតណាមមានការស្រក់ចុះបន្តិច។ទោះជាយ៉ាងនេះក្តីក៏គណៈកម្មាធិការគ្រោះមហន្តរាយត្រៀមទាំងមធ្យោបាយសរុប កម្លាំងសរុបរួចរាល់អស់ហើយដើម្បីធ្វើអន្តរាគមន៍ប្រជាពលរដ្ឋ។

សូមបញ្ជាក់ថា ទឹកទន្លេស្រែពក នៅរសៀលថ្ងៃទី១៧ខែតុលាឆ្នាំ២០២១មានកម្ពស់ជាង១១ម៉ែត្រ ខណៈកម្ពស់ទឹកប្រកាសអាសន្នមាន ១២,៥០ម៉ែត្រ៕

អត្ថបត៖ ប៉េស សារី

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika