ផ្លឹស-ខេអេក ញូវ

ចាន់ វឌ្ឍនាកា ប្រាប់ថា បានធូរស្បើយជាធម្មតាវិញហើយពីជំងឺកូវីដ១៩

កីឡា
October 20th, 2021 (3 years)
Views: 204
Share

ភ្នំពេញ៖ ខ្សែប្រយុទ្ធរបស់ក្រុមជម្រើសជាតិកម្ពុជា និងក្លិបបាល់ទាត់បឹងកេត ចាន់ វឌ្ឍនាកា បានឱ្យដឹងថា អាការជំងឺកូវីដ១៩របស់គេ បានធូរស្រាលហើយ និងមិនមានការធ្វើទុក្ខអ្វីទៀតឡើយ។

ចាន់ វឌ្ឍនាកា ជាកីឡាករម្នាក់ ក្នុងចំណោម ៦នាក់ នៃក្រុមបាល់ទាត់ជម្រើសជាតិកម្ពុជា ដែលបានធ្វើតេស្តរកឃើញវិជ្ជមានកូវីដ១៩ អំឡុងបេសកកម្មនៅឯប្រទេសប៉ារ៉ែន សម្រាប់វគ្គជម្រុះ AFC Asian Cup ដែលកម្ពុជាបានឈ្នះកោះហ្គាំ។ គេបានបង្ហាញខ្លួន សម្រាប់ការប្រកួតជើងទី១ និងរកបាន១គ្រាប់ ដែលជាគ្រាប់ជ័យជម្នះសម្រាប់កម្ពុជា ប៉ុន្តែ វឌ្ឍនាកា បានអវត្តមាននៅការប្រកួតជើងទី២។

កីឡាករទាំង៦ រួមមាន៖ គួច សុកុម្ភៈ, សឿយ វិសាល, សារ៉េត គ្រីយ៉ា, កែវ សុខសិលា, ចាន់ វឌ្ឍនាកា, និង អ៊ាន ពិសី ។

សម្រាប់ សារ៉េត គ្រីយ៉ា ត្រូវបានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានឱ្យដឹងថា កីឡាករជម្រើសជាតិកម្ពុជា សារ៉េត គ្រីយ៉ា បានជាសះស្បើយពីជំងឺកូវីដ១៩ ហើយ ក្រោយសម្រាកព្យាបាល ១០ថ្ងៃ នៅប្រទេសបារ៉ែន។ រីឯកីឡាករ ៥នាក់ទៀត រួមមាន ចាន់ វឌ្ឍនាកា, គួច សុកុម្ភៈ, កែវ សុខសិលា, សឿយ វិសាល និង អ៊ាន ពិសី នឹងធ្វើតេស្ដ PCR តាមក្រោយ៕

អត្ថបទទាក់ទង

ចាន់ វឌ្ឍនាកា ប្រាប់ថា បាន​ធូរស្បើយ​ជាធម្មតាវិញ​ហើយ​ពី​ជំងឺកូវីដ១៩

ចាន់ វឌ្ឍនាកា ប្រាប់ថា បានធូរស្បើយជាធម្មតាវិញហើយពីជំងឺកូវីដ១៩