ផ្លឹស-ខេអេក ញូវ

កម្ពុជា រកឃើញវត្តមានបក្សីសមុទ្របុលវ័រ ជាលើកដំបូង ដែលអាចបក់មកតាមរយៈព្យុះកុំប៉ាស៊ូ

សង្គម
October 20th, 2021 (4 years)
Views: 410
Share

រតនគិរី៖ យោងតាមអង្គការ BirdLife International Cambodia បក្សីសមុទ្របុលវ័រ (Bulwer’s Petrel) គឺជាសត្វស្លាបសមុទ្រមួយប្រភេទ ដែលជាធម្មតាត្រូវបានគេប្រទះឃើញនៅលើផ្ទៃសមុទ្របើកចំហ ឆ្ងាយពីតំបន់ដីគោក។ ប៉ុន្តែ បក្សីមួយក្បាលនេះ ត្រូវបានកត់ត្រាជាលើកដំបូង នៅដែនជម្រកសត្វព្រៃលំផាត់ ខេត្តរតនគិរី នាល្ងាចថ្ងៃទី១៧ ខែតុលា ឆ្នាំ២០២១ ដែលជាទីតាំងមានចម្ងាយយ៉ាងតិចជាងពីររយគីឡូម៉ែត្រពីឆ្នេរសមុទ្រ។

អ្នកជំនាញបានសង្ស័យថា ព្យុះទីហ្វុង“Kompasu” ដែលកំពុងធ្វើដំណើរឆ្លងកាត់ភាគខាងត្បូងប្រទេសចិន ចូលទៅក្នុងតំបន់ឥណ្ឌូចិនភាគខាងជើង បានបក់បោកនាំយកបក្សីមួយនេះ ពីដែនសមុទ្រឆ្ងាយមកកាន់តំបន់ដីគោក។

បក្សីសមុទ្របុលវ័រ គឺជាសត្វដែលគេកម្រប្រទះឃើញនៅក្នុងដែនទឹកអាស៊ីអាគ្នេយ៍ ហើយត្រូវបានគេកត់ត្រាទុកតែមួយចំនួនតូចប៉ុណ្ណោះនៅក្នុងសមុទ្រជុំវិញអាស៊ីអាគ្នេយ៍ដីគោក។ វានេះត្រូវបានគេដឹងថា ជាប្រភេទដែលបន្តពូជនៅតំបន់កោះតូចៗនៅសមុទ្រចិនខាងកើត និងប៉ាស៊ីហ្វិកខាងលិច រួមទាំងនៅទីតាំងមួយចំនួននៅកោះរីយូឃ្យូភាគខាងត្បូងប្រទេសជប៉ុន។

លោក ផល្លី ណាក់ ដែលជាកសិករនៅលំផាត់ដែលបានជូនដំណឹងអំពីបក្សីនេះបានហើរចូលទៅបរិវេណគេហដ្ឋានរបស់គាត់ និងបានដោះលែងទៅវិញ៕

អត្ថបទទាក់ទង

កម្ពុជា រកឃើញ​វត្តមាន​បក្សីសមុទ្រ​បុលវ័រ ជាលើកដំបូង ដែល​អាចបក់​មក​តាមរយៈ​ព្យុះកុំប៉ាស៊ូ

កម្ពុជា រកឃើញវត្តមានបក្សីសមុទ្របុលវ័រ ជាលើកដំបូង ដែលអាចបក់មកតាមរយៈព្យុះកុំប៉ាស៊ូ