ព័ត៌មានថ្មី
- ចាញ់ធ្លាក់! សម្ពាធក្នុងការប្រកួតប្រជែង និងភាពជាអ្នកដឹកនាំ នៅក្នុងសប្ដាហ៍ទី១៦ នៃកម្មវិធី MasterChef Cambodia ថ្ងៃអាទិត្យខាងមុខនេះ
- ឧត្តុង នៅតែនឹករលឹកពេលវេលាប្រកួតក្នុងផ្ទះបាយ MasterChef Cambodia
- សុភ័ក្ត កុសុម៉ា បានត្រឹមឆ្លើយតបទៅអ្នកគាំទ្របែបនេះក្រោយមានអ្នកសុំឱ្យនាងត្រលប់ទៅស្រលាញ់គ្នា Private វិញ
- WOW! បេក្ខជន MasterChef បញ្ញា ក្រៅពីពូកែចម្អិនម្ហូបហើយ ធ្លាប់ឈ្នះមេដាយមាសជូនកម្ពុជា ក្នុងព្រឹត្តិការណ៍ពិភពលោកមួយថែមទៀត
- អតីតបេក្ខជន MasterChef Cambodia រដូវកាលទី៣ម្នាក់នេះកំពុងចាប់ផ្ដើមមាតិកាម្ហូបខ្មែរ ក្រោយចាកចេញពីកម្មវិធី
យ៉ាប់ហើយពេលនេះ ស្តេចត្រាញ់ពញាពង្ស ដឹងរឿងបាត់ថ្នាំរក្សាគត៌ក្នុងឃ្លាំងថ្នាំហើយ
- កម្សាន្ត
- October 20th, 2021 (3 years)
ភ្នំពេញ៖ នៅភាគម្សិលមិញនេះ លោកគ្រូពេទ្យសក្កដា បានប្រាប់ការពិតទៅ អប្សរ ហើយថានាងកំពុងមានផ្ទៃពោះ១ខែហើយ ដែលនេះជារឿងខុសប្រពៃណីខ្លាំងបំផុត និងរិតតែមិនគួរកើតឡើងក្នុងនាមជាកូនស្តេចត្រាញ់មួយរូប។
សម្រាប់ភាគយប់នេះវិញ កាន់តែធ្វើឱ្យអប្សរបុកពោះខ្លាំងឡើង ដោយស្តេចត្រាញ់ ពញាពង្ស បានដឹងថា ថ្នាំរក្សាគត៌បានបាត់ពីឃ្លាំងដាក់ថ្នាំអស់ជាច្រើន ដូចនេះព្រះអង្គ បានសួរនាំស្ត្រីក្នុងផ្ទះទាំងអស់ឱ្យសារភាព។ មិនដឹងថា អប្សរ អាចគេចពីស្ថានភាពតានតឹងមួយនេះ ឬ យ៉ាងណានោះទេ។
ចំណែកឯលោកគ្រូពេទ្យ សក្កដា វិញរឹតតែសប្បាយចិត្តនៅពេលដែលរឿងសម្ងាត់មួយនេះបានបែកធ្លាយបន្តិចម្តងៗទៅដល់ត្រចៀកស្តេចត្រាញ់ពញាពង្ស អ្វីដែលធ្វើឱ្យទស្សនិកជនភ័យជំនួសអប្សរនោះគឺ ដោយសារគំនុំរវាងអប្សរ និងលោកគ្រូពេទ្យសក្កដាកន្លងមក បានធ្វើឱ្យគ្រូពេទ្យរូបនេះ មានបំណងចង់សម្លាប់កូនក្នុងផ្ទៃរបស់នាង ដើម្បីសងសឹករឿងកន្លងមកដែល រៀម និងអប្សរបានប្រមាថលោកទៀតផង។
មិនដឹងថា រឿងសម្ងាត់របស់អប្សរ អាចលាក់បានយូរប៉ុណ្ណាទៀតឡើយ រីឯ រៀម ក៏កំពុងជាប់ដៃប្រយុទ្ធក្នុងសង្គ្រាមទៀត។ ចង់ដឹងថា រៀម និងអប្សរ នឹងបានរស់នៅជួបជុំគ្នាឬទេនៅពេលដែលអប្សរបានបំពានពាក្យសម្បថនឹងរបាំអាទិទេពបែបនេះ? ដើម្បីដឹងសាច់រឿងបន្ត កុំភ្លេចតាមដានទស្សនាភាពយន្តខ្មែរ “នគរមាស” ចាក់ផ្សាយរៀងរាល់ថ្ងៃចន្ទ-ព្រហស្បតិ៍ វេលាម៉ោង៧យប់នៅកញ្ចក់ទូរទស្សន៍ និងផេកផ្លូវការរបស់ CTN៕
(ទស្សនាវីដេអូ)
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
