ផ្លឹស-ខេអេក ញូវ

ថៃចំណាយ៣លានដុល្លារ ដើម្បីជួល LISA Blackpink និងលោក Andrea Bocelli មកសម្ដែងនៅថ្ងៃឆ្លងឆ្នាំ

កម្សាន្ត
October 27th, 2021 (4 years)
Views: 227
Share

ថៃ៖ រដ្ឋាភិបាលថៃ នឹងចំណាយរហូតដល់ ១០០លានបាត (ប្រហែល៣លានដុល្លារអាមេរិក) ដើម្បីហៅតារា K-pop “Lisa Blackpink” និងលោក Andrea Bocelli មកច្រៀងសម្ដែងនៅពិធីបុណ្យចូលឆ្នាំថ្មី ឆ្នាំសាកល នៅលើកោះភូកេត។

រដ្ឋមន្ត្រីក្រសួងទេសចរណ៍ និងកីឡា លោក Phiphat Ratchakitprakarn បានប្រាប់អ្នកយកព័ត៌មានថា កំពូលតារាទាំងពីរ នឹងនាំមកនូវចំណូលពីវិស័យទេសចរណ៍ ហើយ ការចំណាយភាគច្រើន នឹងត្រូវរ៉ាប់រងដោយការឧបត្ថម្ភពីវិស័យឯកជន។

លោកបន្តថា ផែនការនេះត្រូវបានអនុម័តដោយនាយករដ្ឋមន្ត្រីប្រាយុទ្ធ ចាន់អូចា ប៉ុន្តែការសម្រេចចិត្តជាផ្លូវការលើបញ្ហានេះ នឹងត្រូវសម្រេចនៅក្នុងកិច្ចប្រជុំគណៈរដ្ឋមន្ត្រីដែលគ្រោងធ្វើនៅថ្ងៃទី១៦ ខែវិច្ឆិកា។ ក្រសួងទេសចរណ៍ នឹងពិនិត្យលើសេចក្តីព្រាងកិច្ចសន្យានៅចុងឆ្នាំនេះ។

មន្ត្រីរដ្ឋាភិបាល បាននិយាយថា ការជួល Lalisa “Lisa” Manobal ដែលជាតារាចម្រៀង មានដើមកំណើតប្រទេសថៃ មកពីក្រុម K-pop Blackpink និងលោក Bocelli នឹងជួយផ្សព្វផ្សាយទេសចរណ៍ និងបង្កើតផលចំណេញផ្នែកសេដ្ឋកិច្ចយ៉ាងច្រើនដល់កោះភូកេត។

រដ្ឋាភិបាល បាននិយាយថា ការសម្តែងរបស់កំពូលតារានៅភូកេត ស្របពេលជាមួយនឹងការបើកប្រទេសឡើងវិញនាពេលខាងមុខ សម្រាប់ភ្ញៀវទេសចរនៅថ្ងៃទី១ ខែវិច្ឆិកា៕

អត្ថបទទាក់ទង

ថៃចំណាយ​៣លានដុល្លារ ដើម្បីជួល LISA Blackpink និងលោក Andrea Bocelli មកសម្ដែង​នៅថ្ងៃឆ្លងឆ្នាំ

ថៃចំណាយ៣លានដុល្លារ ដើម្បីជួល LISA Blackpink និងលោក Andrea Bocelli មកសម្ដែងនៅថ្ងៃឆ្លងឆ្នាំ