×

Facebook បានផ្លាស់ប្តូរ​ឈ្មោះ​សាជីវកម្ម​របស់ខ្លួន​ទៅជា Meta ជាការធ្វើ​ម៉ាកយីហោ​ឡើងវិញ

អាមេរិក៖ ក្រុមហ៊ុន Facebook និយាយថា វានឹងកាន់តែប្រសើរឡើងនូវអ្វីដែលខ្លួនធ្វើ ព្រោះខ្លួននឹងពង្រីកពីប្រព័ន្ធផ្សព្វផ្សាយសង្គម ទៅក្នុងវិស័យបរិយាកាសនិម្មិត Virtual Reality (VR)។

ការផ្លាស់ប្តូរឈ្មោះនេះ មិនអនុវត្តចំពោះ Platforms របស់ខ្លួនដូចជា ឈ្មោះកម្មវិធី Facebook, Instagram និង Whatsapp ទេ។

ចំណាត់ការ នេះ ធ្វើ ឡើង បន្ទាប់ ពី មានរឿងរ៉ាវ អវិជ្ជមាន ជាច្រើន អំពី Facebook ដោយ ផ្អែក លើ ឯកសារ ដែល បែកធ្លាយ ដោយ អតីត បុគ្គលិក ម្នាក់។ លោក Frances Haugen បានចោទប្រកាន់ក្រុមហ៊ុននេះថាបានគិតពីប្រាក់ចំណេញលើសុវត្ថិភាព។

សូមបញ្ជាក់ថា ក្នុងឆ្នាំ២០១៥ ក្រុមហ៊ុន Google បានរៀបចំរចនាសម្ព័ន្ធក្រុមហ៊ុនរបស់ខ្លួនឡើងវិញដោយហៅក្រុមហ៊ុនមេរបស់ខ្លួនថា Alphabet ។

មេររបស់ Facebook លោក Mark Zuckerberg បានប្រកាសឈ្មោះថ្មីនេះ ខណៈដែលលោកបានបង្ហាញពីផែនការបង្កើត “metaverse” ដែលជាពិភពអនឡាញដែលមនុស្សអាចលេងហ្គេម ធ្វើការ និងទំនាក់ទំនងក្នុងបរិយាកាសនិម្មិត ដែលតម្រូវឱ្យអ្នកប្រើប្រាស់ពាក់ឧបករណ៍ VR ។

លោកបានប្រាប់ថា៖ “យូរៗ ទៅ ខ្ញុំសង្ឃឹមថាយើងត្រូវបានគេមើលឃើញថា ជាក្រុមហ៊ុន Metaverse ហើយខ្ញុំចង់បង្ហាញពីការងារ និងអត្តសញ្ញាណរបស់យើងលើអ្វីដែលយើងកំពុងកសាងឆ្ពោះទៅរក”។

លោក Zuckerberg បាននិយាយថា ឈ្មោះថ្មីនេះឆ្លុះបញ្ចាំងថា យូរៗទៅអ្នកប្រើប្រាស់នឹងមិនចាំបាច់ប្រើប្រាស់ Facebook ដើម្បីប្រើប្រាស់សេវាកម្មផ្សេងទៀតរបស់ក្រុមហ៊ុននោះទេ។

ពាក្យ “Meta” មកពីពាក្យក្រិកមានន័យថា “លើសពី” ។

Facebook បាននិយាយថា ខ្លួនមានបំណងចាប់ផ្តើមការជួញដូរភាគហ៊ុនរបស់ខ្លួនក្រោមតម្លៃភាគហ៊ុនថ្មី MVRS ចាប់ពីថ្ងៃទី១ ខែធ្នូ៕

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika