ផ្លឹស-ខេអេក ញូវ

ថៃ បន្តបន្ថែមប្រទេសដែលមិនតម្រូវឱ្យធ្វើចត្តាឡីស័ក, ប្រទេសអាស៊ានចូលបានទាំងអស់

សង្គម
November 1st, 2021 (2 years)
77
Share

ថៃ៖ ប្រទេសថៃ នឹងចាប់ផ្តើមទទួលភ្ញៀវដែលបានចាក់វ៉ាក់សាំងពេញលេញ ពីប្រទេសចំនួន ១៧ បន្ថែមទៀត ដោយមិនតម្រូវឱ្យធ្វើចត្តាឡីស័កឡើយ ដែលធ្វើឱ្យកើនដល់ ៦៣ប្រទេស។

ក្នុងនោះ ប្រទេសអាស៊ាន រួមមាន កម្ពុជា, ប៊្រុយណេ, សិង្ហបុរី, ម៉ាឡេស៊ី, ឡាវ, មីយ៉ាន់ម៉ា, ហ្វីលីពីន, ឥណ្ឌូណេស៊ី និង វៀតណាម។

គួររំឭកថា កាលពីថ្ងៃទី២១ ខែតុលា រដ្ឋាភិបាលថៃ បានចេញសេចក្តីប្រកាសមួយ ដើម្បីអនុញ្ញាតឱ្យអ្នកដំណើរដែលបានចាក់វ៉ាក់សាំងបង្ការកូវីដ១៩ពេញលេញ ពី ៤៦ប្រទេស និងដែនដី ចូលប្រទេសថៃ ដោយមិនតម្រូវឱ្យធ្វើចត្តាឡីស័ក ចាប់ពីថ្ងៃចន្ទ ទី១ ខែវិច្ឆិកា ឆ្នាំ២០២១តទៅ។

លោក Yuthasak Supasorn នៃអាជ្ញាធរទេសចរណ៍ថៃ (TAT) បានឱ្យដឹងថា ការកក់សណ្ឋាគារ ជាពិសេសភ្ញៀវមកពីប្រទេសចំនួន ៦៣ កំពុងតែកើនឡើងខ្លាំង ដែលបង្ហាញថា ការបើកឡើងវិញរបស់ប្រទេសថៃ កំពុងទាក់ទាញភ្ញៀវទេសចរមកពីជុំវិញពិភពលោក។

នៅក្នុងតំបន់ដែលស្ថិតក្រោមការគ្រប់គ្រងអតិបរមា ភោជនីយដ្ឋាននៅតែត្រូវបានហាមឃាត់ មិនឱ្យបម្រើភេសជ្ជៈមានជាតិអាល់កុល លើកលែងតែនៅទីក្រុងបាងកក ដែលនឹងអនុញ្ញាតឱ្យភោជនីយដ្ឋានដែលអនុញ្ញាតដោយរដ្ឋបាលសុវត្ថិភាព និងសុខភាព (SHA) ប៉ុណ្ណោះ ដើម្បីបម្រើគ្រឿងស្រវឹងរហូតដល់ម៉ោង ៩ យប់៕

អត្ថបទទាក់ទង

ថៃ បន្តបន្ថែម​ប្រទេស​ដែល​មិនតម្រូវ​ឱ្យធ្វើ​ចត្តាឡីស័ក, ប្រទេស​អាស៊ាន​ចូល​បានទាំងអស់

ថៃ បន្តបន្ថែមប្រទេសដែលមិនតម្រូវឱ្យធ្វើចត្តាឡីស័ក, ប្រទេសអាស៊ានចូលបានទាំងអស់