ផ្លឹស-ខេអេក ញូវ

កង់សាធារណៈ ៥០០ កង់ ត្រូវបានដាក់ឱ្យប្រើប្រាស់នៅទីក្រុងមួយរបស់វៀតណាម

សង្គម
November 3rd, 2021 (3 years)
Views: 219
Share

វៀតណាម៖ កង់ចំនួន ៥០០ កង់ នឹងត្រូវដាក់ឱ្យប្រើប្រាស់ជាសាធារណៈ សម្រាប់ប្រជាជនរស់នៅទីក្រុងហូជីមិញ នៅក្នុងខែវិច្ឆិកា ឆ្នាំ២០២១នេះ ដែលវាជាគម្រោងសាកល្បង ឈ្មោះថា Mobike ។

បច្ចុប្បន្ននេះ កង់សាធារណៈ កំពុងឆ្លងកាត់ការធ្វើតេស្តបច្ចេកទេស និងបំពាក់ដោយសោឆ្លាតវៃ និងឧបករណ៍កំណត់ទីតាំង GPS ។ កង់ចំនួន ៣៨៨ ដំបូងគេ ត្រូវបានគេរំពឹងថា នឹងត្រូវបានដាក់ឱ្យប្រើប្រាស់ក្នុងខែនេះ ខណៈនៅសល់នឹងត្រូវទុកបម្រុង។

មានចំណតដាក់កង់ចំនួន ៤៣ នៅលើចិញ្ចើមផ្លូវ ដោយស្ថានីយនីមួយៗមានកង់ពី ១០ ទៅ ២០ កង់។ កម្មវិធី Mobike នៅលើទូរសព្ទដៃ ត្រូវបានដាក់ឱ្យដំឡើង ដែលអាចប្រាប់ពីទីតាំងដែលនៅជិតបំផុតរបស់ចំណតកង់។ រីឯតម្លៃជួល គឺ ៥០០០ ដុង (០,២២ ដុល្លារអាមេរិក) សម្រាប់រយៈពេល ៣០នាទី។

ក្រុមហ៊ុនដែលទទួលសិទ្ធិនាំចូលកង់ពីរដ្ឋបាលក្រុងហូជីមិញ ក៏នឹងលើកលែងសម្រាប់ការជួលសម្រាប់រយៈពេល ១៥នាទីដំបូង ក្នុងរយៈពេល ៣ ខែដំបូង នៃគម្រោងសាកល្បង ដើម្បីជាមធ្យោបាយទាក់ទាញអ្នកប្រើប្រាស់។

អាជ្ញាធរទីក្រុងហូជីមិញ បានអនុម័តផែនការសាកល្បងសម្រាប់ការចែករំលែកកង់សាធារណៈ កាលពីខែមេសា ប៉ុន្តែរលកទី៤ នៃកូវីដ១៩ ដែលបានផ្ទុះឡើងកាលពីថ្ងៃទី២៧ ខែមេសា បានធ្វើឱ្យមានការរាំងស្ទះដល់គម្រោងដាក់ឱ្យប្រើប្រាស់៕

អត្ថបទទាក់ទង

កង់សាធារណៈ ៥០០ កង់ ត្រូវបាន​ដាក់​ឱ្យប្រើប្រាស់​នៅទីក្រុងមួយ​របស់​វៀតណាម

កង់សាធារណៈ ៥០០ កង់ ត្រូវបានដាក់ឱ្យប្រើប្រាស់នៅទីក្រុងមួយរបស់វៀតណាម