ផ្លឹស-ខេអេក ញូវ

កម្លាំងទឹកចិត្តបងប្អូនខ្មែរនាំគ្នាជួយថវិកាតាមលទ្ធភាព ក្រោយតារាកំប្លែងជើងចាស់លោកតាសង់ស៊ីសប្រកាសលក់ផ្ទះដោះបំណុល

សង្គម
November 5th, 2021 (3 years)
Views: 622
Share

ភ្នំពេញ៖ កាលពីរសៀលថ្ងៃទី០២ ខែវិច្ឆិកា កន្លងទៅ អ្នកនាង សុន ស្រីពេជ្រ និងអ្នកនាង កាឆយ បានធ្វើការផ្សាយផ្ទាល់នៅលើគណនីបណ្តាញសង្គមច្រៀងរាំសប្បាយជុំគ្រួសារ និងឆ្លៀតពេលនោះប្រកាសលក់ផ្ទះ២ល្វែងក្នុងតម្លៃ២២ម៉ឺនដុល្លារ ដើម្បីយកប្រាក់ទៅសងបំណុលគេ។

គួររំឭកថា កាលពីឆ្នាំ២០២០កន្លងទៅ សមាជិក២នាក់ក្នុងគ្រួសារអ្នកសិល្បៈរូបនេះមានជំងឺធ្ងន់ធ្ងរដែលត្រូវចំណាយប្រាក់ព្យាបាលអស់ច្រើន រួមផ្សំនឹងត្រូវព្យាបាលលោកតាសង់ស៊ីសផងនោះ ទើបបំណុលបានកើនខ្លាំងរហូតដល់ជាង១០ម៉ឺនដុល្លារ។

ប៉ុន្តែគួរឱ្យស្តាយ ដែលការខិតខំប្រឹងប្រែងទាំងប៉ុន្មាននៅតែមិនអាចសង្គ្រោះជីវិតកូនប្រុសទាំងពីររបស់អតីតតារាកំប្លែងរូបនេះបានឡើយ ថែមទាំងលោកតាធ្លាក់ខ្លួនមិនអាចនិយាយបានដោយសារសម្ពាធឈាមបុកឡើងខ្ពស់។

បន្ទុកទាំងប៉ុន្មាន បានធ្លាក់លើតារាចម្រៀង សុន ស្រីពេជ្រ ជាអ្នករ៉ាប់រងទាំងអស់ ប៉ុន្តែក្រោយវិបត្តិកូវីដ១៩បានផ្ទុះឡើង នាងក៏ធ្លាក់ចំណូលតាមនោះដែរ ជាហេតុធ្វើឱ្យវិបត្តិហិរញ្ញាវត្ថុក្នុងគ្រួសារជាប់គាំងបែបនេះ។

ក្រោយធ្វើការអំពាវនាវប្រកាសលក់ផ្ទះ២ល្វែងដើម្បីយកប្រាក់ដោះបំណុលមក មហាជនជាច្រើនបើទោះជាមិនអាចជួយទិញផ្ទះ ក៏ពួកគេបាននាំគ្នាជួយជាថវិកាតាមសទ្ធាសម្រាប់លោកតាសង់ស៊ីសដែលពួកគេចាត់ទុកថា ជាការទិញពេលវេលាដែលលោកធ្លាប់ធ្វើឱ្យគ្រប់គ្នាសើចសប្បាយកន្លងមក។

សូមបញ្ជាក់ថា សម្រាប់ថវិកាដែលអ្នកនាង សុន ស្រីពេជ្រ ទទួលបានគិតត្រឹមយប់ម្សិលមិញនេះ បានចំនួនជាង៥ពាន់ដុល្លារ ពីកម្លាំងទឹកចិត្តសប្បុរសរបស់បងប្អូនខ្មែរដែលអាណិតស្រលាញ់លោកតាសង់ស៊ីស៕

អត្ថបទទាក់ទង