ផ្លឹស-ខេអេក ញូវ

អ្នកទោសត្រូវបានក្រសួងយុត្តិធម៌ថៃ អនុញ្ញាតឱ្យចិញ្ចឹមសត្វឆ្កែ នៅក្នុងពន្ធនាគារ

សង្គម
November 12th, 2021 (4 years)
Views: 661
Share

ថៃ៖ ក្រសួងយុត្តិធម៌ថៃ នឹងអនុញ្ញាតឱ្យអ្នកទោស នៅក្នុងពន្ធនាគារចំនួន ៤ អាចចិញ្ចឹមសត្វឆ្កែ ដែលជាផ្នែកមួយ នៃគម្រោងសាកល្បង ក្នុងគោលបំណងកាត់បន្ថយការថប់បារម្ភ ជំងឺធ្លាក់ទឹកចិត្ត និងអាកប្បកិរិយាប្រឆាំងនឹងសង្គមផ្សេងទៀត ក្នុងចំណោមទណ្ឌិត។

រដ្ឋមន្ត្រីក្រសួងយុត្តិធម៌ថៃ លោក Somsak Thepsutin បាននិយាយ កាលពីថ្ងៃព្រហស្បតិ៍ ទី១១ ខែវិច្ឆិកា ថា នាយកដ្ឋានកែតម្រូវ នឹងសាកល្បងឱ្យអ្នកទោសចិញ្ចឹមសត្វនៅក្នុងពន្ធនាគារ Nakhon Ratchasima, Rayong, Khlong Phai និង Khao Bin ដែលជាការព្យាបាលផ្នែកចិត្តសាស្ត្ររបស់អ្នកទោស ដើម្បីចូលរួមក្នុងសង្គមបន្ទាប់ពីការជាប់ឃុំរបស់ពួកគេ។

លោករដ្ឋមន្ត្រីបានបន្តថា នាយកដ្ឋានកំពុងធ្វើការជាមួយសមាគមសត្វ ដើម្បីស្វែងរកសត្វឆ្កែ សម្រាប់គម្រោងនេះ។ វាមិនច្បាស់ទេថា តើអ្នកទោសនឹងត្រូវចំណាយពេលយូរប៉ុណ្ណាជាមួយសត្វ។

អ្នកគ្រប់គ្រងនឹងផ្គូផ្គងជ្រើសរើសសត្វឆ្កែ ដែលសក្តិសមនឹងចរិត និង/ឬនិស្ស័យរបស់អ្នកទោស ដើម្បីធានាឱ្យបានជោគជ័យ។ អ្នកទោស នឹងទទួលការណែនាំពីពេទ្យសត្វអំពីវិធីថែទាំសត្វឆ្កែផងដែរ។

លោករដ្ឋមន្ត្រីបានបន្ថែមថា ប្រសិនបើគម្រោងនេះទទួលបានលទ្ធផលល្អ គេគ្រោងនឹងពង្រីកទៅពន្ធនាគារនៅខេត្តផ្សេងៗ ក្នុងប្រទេសថៃ៕

អត្ថបទទាក់ទង

អ្នកទោស​ត្រូវបាន​ក្រសួង​យុត្តិធម៌​ថៃ អនុញ្ញាត​ឱ្យ​ចិញ្ចឹម​សត្វឆ្កែ នៅក្នុង​ពន្ធនាគារ

អ្នកទោសត្រូវបានក្រសួងយុត្តិធម៌ថៃ អនុញ្ញាតឱ្យចិញ្ចឹមសត្វឆ្កែ នៅក្នុងពន្ធនាគារ