×

អភិបាល​ស្រុកបន្ទាយស្រី ប្រាប់​ប្រតិបត្តិករ​ទេសចរណ៍​ទាំងអស់ ឱ្យរៀបចំ​កម្មវិធី​តូចៗ​ដំណាលគ្នា នៅតាម​កន្លែង​រៀងៗខ្លួន ចាប់ពី​ថ្ងៃទី១៨វិច្ឆិកា ដើម្បី​ទទួល​ទេសចរ

សៀមរាប៖ អភិបាលស្រុកបន្ទាយស្រី លោក ឃឹម ហ្វីណង់ នៅថ្ងៃទី១៥ ខែវិច្ឆិកានេះ បាន
ដឹកនាំកិច្ចប្រជុំជាមួយបណ្តាសហគមន៍សំខាន់ៗ និងប្រតិបត្តិករទេសចរណ៍នានានៅក្នុងស្រុកបន្ទាយស្រី ដើម្បីត្រៀមខ្លួនទទួលភ្ញៀវទេសចរដែលនឹងមកលេងកម្សាន្តនៅក្នុងស្រុកបន្ទាយស្រី ក្នុងអំឡុងពេលថ្ងៃឈប់សម្រាកបុណ្យអុំទូកខាងមុខនេះ។

ក្នុងកិច្ចប្រជុំ លោក ឃឹម ហ្វីណង់ បានលើកទឹកចិត្តឱ្យប្រតិបត្តិករទាំងអស់ រៀបចំកម្មវិធីតូចៗដំណាលគ្នាតែម្តង នៅតាមកន្លែងរៀងៗខ្លួន ចាប់ពីថ្ងៃទី១៨ វិច្ឆិកា រហូតដល់ថ្ងៃទី២០ វិច្ឆិកា ដើម្បីរំលែកការកកកុញសម្រុកទៅតែមួយកន្លែងដែលនឹងធ្វើឱ្យមានសុវត្ថិភាពពីកូវីដផង និងផ្តល់ភាពទាក់ទាញសប្បាយរីករាយដល់ភ្ញៀវទេសចរដែលអញ្ជើញមកលេងបន្ទាយស្រីក្នុងចន្លោះពេលនេះផង។

លោកអភិបាលស្រុក បានអះអាងថា រដ្ឋបាលស្រុក ក៏នឹងជួយផ្សព្វផ្សាយពីកន្លែងទេសចរណ៍សំខាន់ៗសម្រាប់ឱ្យអ្នកទេសចរបានដឹង និងត្រៀមខ្លួនទុកជាមុនផងដែរ។

ជាមួយគ្នានេះ លោក ក៏បានណែនាំឱ្យមេឃុំទាំងអស់នៅក្នុងស្រុកបន្ទាយស្រី ជួយសម្របសម្រួលភាពចាំបាច់ផ្សេងៗក្នុងរយៈពេលបុណ្យទាននេះ ទាំងលើការងារគ្រប់គ្រងសណ្តាប់ទូទៅ ចរាចរណ៍ សំរាម និងធានាឱ្យបានថារាល់កម្មវិធីទាំងអស់សុទ្ធតែមានសុវត្ថិភាពពីហានិភ័យនៃកូវីដ។

លោក ឃឹម ហ្វីណង់ សង្ឃឹមថា ទេសចរទាំងអស់ នឹងមានឱកាសអាចមកកម្សាន្តសប្បាយនៅក្នុងស្រុកបន្ទាយស្រី និងជួយគាំទ្រការចាប់ផ្តើមរស់ឡើងវិញនៃវិស័យទេសចរណ៍នៅតាមសហគមន៍ ដោយមិនមានការព្រួយបារម្ភពីជំងឺកូវីដ៕

   

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika