ផ្លឹស-ខេអេក ញូវ

Norwich City តែងតាំងលោក Dean Smith មកជាអ្នកចាត់ការថ្មី

កីឡា
November 16th, 2021 (5 years)
Views: 395
Share

ក្លិប Norwich City បានប្រកាសតែងតាំងលោក Dean Smith មកជាអ្នកចាត់ការថ្មី ក្នុងកិច្ចសន្យារយៈពេល២ឆ្នាំ កន្លះ។

បុរសសញ្ជាតិអង់គ្លេសវ័យ៥០ឆ្នាំរូបនេះ កាលពីថ្ងៃទី៧ខែវិច្ឆិកា ត្រូវបានក្លិប Aston Villa បញ្ចប់តំណែង បន្ទាប់ពីដឹកនាំក្រុមចាញ់ ៥ប្រកួតជាប់ៗគ្នា។ ៧ ថ្ងៃក្រោយលោក Smith ក៏ទទួលបានការងារថ្មីជាមួយក្លិបនៅ Premier League ដដែល គឺក្លិប Norwich City នេះ បន្ទាប់ពីពួកគេក៏បានបញ្ចប់តំណែងអ្នកចាត់ការខ្លួនគឺលោក Daniel Farke ។ ជាមួយគ្នានេះ លោក Craig Shakespeare ដែលបានធ្វើការជាមួយ លោក Dean Smith នៅកីឡដ្ឋាន Villa Park នឹងចូលរួមជាជំនួយការនៅកីឡដ្ឋាន Carrow Road ផងដែរ។

ក្នុងការទទួលបានតំណែងជាអ្នកចាត់ការក្លិប Norwich លោក Dean Smith បានបង្ហាញចំណាប់អារម្មណ៍ថា៖ “ខ្ញុំពិតជារីករាយដែលបានមកធ្វើការឱ្យ Norwich City។ ជាការពិតណស់ យើងធ្លាប់មានការងារដ៏អស្ចារ្យក្នុងរយៈពេល៤ឆ្នាំកន្លះចុងក្រោយ។ តែនៅពេលនេះការងាររបស់ខ្ញុំ និងលោក Shakespeare គឺចូលខ្លួនទៅកែលម្អ Norwich ដើម្បីគេចផុតពីតំបន់ត្រូវកាត់ចោលពីលីគកំពូលអង់គ្លេស”។

Norwich កំពុងស្ថិតបាតតារាង ដែលជាតំបន់ត្រូវកាត់ចោលទៅកាន់លីគទី២ Championship រដូវកាលក្រោយ។ ឆ្លងកាត់១១ប្រកួត Norwich រកបានតែ៥ពិន្ទុប៉ុណ្ណោះ អំឡុងក្រោមការដឹកនាំរបស់លោក Daniel Farke។
ការប្រកួតដំបូងរបស់ Norwich ក្រោមការដឹកនាំរបស់លោក Smith នឹងត្រូវទទួលភ្ញៀវ Southampton នៅថ្ងៃទី២០ ខែវិច្ឆិកា នាជំនួបក្របខណ្ឌលីគកំពូលអង់គ្លេសសប្តាហ៍ទី១២។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

សូមជម្រាបជូនថា កម្មវិធី CBS Fanzone ចាក់ផ្សាយរៀងរាល់ថ្ងៃព្រហស្បតិ៍ ម៉ោង ២១:០០ – ២២:០០ នៅលើកញ្ចក់ទូរទស្សន៍ MyTV និងមានចាក់ផ្សាយឡើងវិញនៅលើកញ្ចក់ទូរទស្សន៍ CTN រៀងរាល់ថ្ងៃសៅរ៍ ម៉ោង ២១:០០ – ២២:០០។

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Norwich City តែងតាំង​លោក Dean Smith មកជា​អ្នកចាត់ការ​ថ្មី

Norwich City តែងតាំងលោក Dean Smith មកជាអ្នកចាត់ការថ្មី