ព័ត៌មានថ្មី
- ភាពស្រពិចស្រពិលត្រូវបានបញ្ចប់! YG ប្រកាសជាផ្លូវការថា BLACKPINK យល់ព្រមបន្តកុងត្រាទាំង ៤នាក់
- អាថ៌កំបាំងពីឈ្មោះរបស់លោក ដាភ្លេង ត្រូវបានលាតត្រដាងនៅក្នុងកម្មវិធី Bond For More Cambodia Night
- ចំណាយពេលសម្រាប់ថ្ងៃកំណើតតារាប្រុសម្នាក់ជាមិត្តល្អ Jennie ត្រូវក្រុមអ្នកមិនចូលចិត្តនាងរិះគន់សាជាថ្មី
- មានអីថ្មីទៀតហើយនៅឆ្នាំ២០២៤ខាងមុខនេះ! MasterChef នឹងត្រឡប់មកវិញនៅ CTN
- តស៊ូគង់បានសម្រេច! ទីបំផុតចុងភៅ រតនៈ ធ្វើឱ្យសៀវភៅម្ហូបខ្មែរក្លាយជាសៀវភៅល្អបំផុតលើពិភពលោករហូតទទួលបានពានរង្វាន់អន្តរជាតិ
ប៉ាម៉ាក់ដឹងអត់ អាអូនចេះតែភ្ញាក់ពេលយប់មកពីមូលហេតុអ្វី?
- សម្រស់ជីវិត
- November 16th, 2021 (2 years)
ការគេងលក់ស្កប់ស្កល់ មានសារសំខាន់ណាស់ ដើម្បីជួយឱ្យអាអូនមានសុខភាពល្អទាំងផ្លូវកាយ និងផ្លូវចិត្ត។ ប៉ុន្តែ ពេលខ្លះ កូនតូចតែងតែភ្ញាក់ពេលយប់ និងពិបាកគេងទៅវិញ ដែលធ្វើឱ្យក្មេងរញ៉ាំរញ៉ូវ មួម៉ៅ និងកិកកុកមិនបាត់ ហើយបញ្ហានេះ ក៏ជាហេតុនាំឱ្យប៉ាម៉ាក់ស្រ្តេស និងហត់នឿយខ្លាំងដូចគ្នា។ ដើម្បីគ្រប់គ្រងស្ថានភាព ប៉ាម៉ាក់គប្បីយល់ដឹងពីមូលហេតុ និងអនុវត្តតាមគន្លឹះមួយចំនួនខាងក្រោមនេះ។ មូលហេតុក្មេងភ្ញាក់នៅពេលយប់
• ឃ្លានអាហារ
• គេងថ្ងៃយូរពេក
• ភ័យខ្លាចអ្វីមួយ
• យល់សប្ដិអាក្រក់
• ប្រើប្រាស់ឧបករណ៍អេឡិចត្រូនិកច្រើនជ្រុល
• ឈឺ
• ការផ្លាស់ប្ដូរទម្លាប់ប្រចាំថ្ងៃ ដូចជាការផ្ដាច់ដោះ ការចូលរៀន ការរៀនប្រើបង្គន់ ផ្លាស់ប្ដូរអ្នកមើលថែថ្មី
• ការភ័យខ្លាចនៅតែឯង
តិចនិកដោះស្រាយនៅពេលកូនភ្ញាក់នៅពេលយប់
• រកមូលហេតុ និងដោះស្រាយផ្អែកតាមមូលហេតុជាក់ស្ដែង៖ ក្មេងម្នាក់ៗមានមូលហេតុភ្ញាក់នៅពេលយប់ផ្សេងៗគ្នា។ ក្មេងខ្លះភ្ញាក់ដោយសារតែការឈឺចាប់ និងខ្លះទៀតភ្ញាក់ដោយសារតែភ័យខ្លាចការនៅតែឯង។ ប៉ាម៉ាក់គប្បីវាយតម្លៃអំពីស្ថានភាព កំណត់មូលហេតុជាក់លាក់ និងរកដំណោះស្រាយឱ្យបានត្រឹមត្រូវ។
• ទុកពេលឱ្យកូនរៀនទម្លាប់ខ្លួន៖ ចូរឱ្យកូនគេងលក់ទៅវិញដោយខ្លួនឯង។ ប៉ុន្តែ បើអាអូនទើបតែចេះដើរតេះតះ ប៉ាម៉ាក់គប្បីអង្អែលខ្នងកូនថ្នមៗ ដោយជៀសវាងលើកបីកូន ឬដាក់កូននៅលើភ្លៅ។ យ៉ាងណាមិញ ក្នុងករណីដែលកូនភ្ញាក់ដោយសារជំងឺ ឬយល់សប្ដិអាក្រក់ ចូរឱបកូន និងនៅក្បែរកូនរហូតទាល់តែក្មេងគេងលក់វិញ។
• មានការអត់ធ្មត់៖ ការបង្កើតទម្លាប់គេងដ៏ត្រឹមត្រូវចំពោះក្មេងទើបចេះដើរតេះតះ ទាមទារឱ្យមានការអនុវត្តបន្ថែម។ ដូចនេះ ចូរឱ្យកូនរៀនបន្ធូរអារម្មណ៍ខ្លួនឯងតាំងពីតូច ទើបជាការប្រសើរ។ នៅពេលដែលអាអូនកាន់តែធំ ប៉ាម៉ាក់គប្បីកាត់បន្ថយពេលលួងលោមកូន ដើម្បីឱ្យកូនចេះពឹងលើខ្លួនឯង។
តិចនិកកុំឱ្យកូនតូចភ្ញាក់នៅពេលយប់
ភាគច្រើន ការភ្ញាក់នៅពេលយប់ចំពោះកូនតូចកើតឡើងនៅក្នុងរយៈពេលខ្លី និងអាចបង្ការបាន។
ប៉ាម៉ាក់អាចអនុវត្តតាមតិចនិកខាងក្រោមនេះ ដើម្បីជួយឱ្យកូនគេងលក់ស្រួល។
• ធ្វើជាគំរូដល់កូន ដោយការគេងទៀងទាត់ម៉ោង។
• អនុវត្តតាមទម្លាប់គេងប្រចាំថ្ងៃ ដូចជាការងូតទឹកក្ដៅឧណ្ហៗ ដុសសម្អាតធ្មេញ និងអានសៀវភៅរឿងឱ្យកូនស្ដាប់នៅម៉ោងដដែល ដើម្បីឱ្យកូនមានអារម្មណ៍ធូរស្រាល និងឆាប់គេងលក់។
• ជៀសវាងឱ្យកូនមើលទូរទស្សន៍ ទូរស័ព្ទ ឬឧបករណ៍អេឡិចត្រូនិកដទៃទៀត នៅអំឡុងពេលគេង ពីព្រោះអាចប៉ះពាល់ដល់ការគេងរបស់ក្មេង៕
ប្រភព៖ Hellokrupet
អត្ថបទទាក់ទង
រៀងរាល់ថ្ងៃចន្ទ-ព្រហ ម៉ោង៨យប់
រៀងរាល់ថ្ងៃសុក្រ ម៉ោង៩យប់
អាពាហ៍ពិពាហ៍បែកបាក់ ចន្ទ-សុក្រ ១១ថ្ងៃត្រង់
រៀងរាល់ថ្ងៃអាទិត្យ ម៉ោង៨យប់
លោកប៉ា អច្ឆរិយ
របាំបញ្ចាំចិត្ត ចន្ទ-សុក្រ ១២ថ្ងៃត្រង់
