ផ្លឹស-ខេអេក ញូវ

យុវជន១ក្រុម ដាក់សំណើទៅសភាថៃ ឱ្យផ្ដល់ភាពស្របច្បាប់ចំពោះរូបភាពអាសអាភាស និងឧបករណ៍សិ ច

សង្គម
November 17th, 2021 (3 years)
Views: 450
Share

ថៃ៖ មនុស្សក្រុមមួយ រួមទាំងអ្នកបង្កើតវីដេអូលើវេបសាយ OnlyFans ដែលមានអាយុ ១៩ឆ្នាំ ដែលធ្លាប់ត្រូវបានចាប់ខ្លួនទាក់ទងនឹងការបង្កើតវីដេអូអាសអាភាស បានទៅដល់សភាថៃ ដើម្បីដាក់សំណើមួយ ដោយអំពាវនាវឱ្យមានការផ្ដល់ភាពស្របច្បាប់ចំពោះវីដេអូអាសអាភាស ក៏ដូចជាឧបករណ៍សិ ចផងដែរ។

ការចាប់ខ្លួនអ្នកបង្កើតមាតិកា OnlyFans កាលពីខែកញ្ញា បានទាក់ទាញការរិះគន់ និងបង្កឱ្យមានការពិភាក្សាជាថ្មី ថាតើរូបភាពអាសអាភាសគួរតែផ្ដល់ភាពស្របច្បាប់ដែរឬទេ។ OnlyFans គឺជាគេហទំព័រដែលបង់ប្រាក់ ដែលអ្នកបង្កើតមាតិកាអាចរកប្រាក់បាន។ វាត្រូវបានគេស្គាល់យ៉ាងទូលំទូលាយថាបានលក់ និងចែកចាយមាតិកាអាសអាភាស។

ឈ្មោះ Suthanya Nakhonjinda ត្រូវបានគេស្គាល់ថាជា Nong Khai Nao ត្រូវបានចាប់ខ្លួនពីបទថតសកម្មភាពផ្លូវភេទជាមួយមិត្តប្រុសរបស់នាង និងចែករំលែកវីដេអូជាមួយអ្នកទិញរបស់នាង។

យោងតាមមាត្រា ២៨៧ នៃក្រមព្រហ្មទណ្ឌរបស់ប្រទេសថៃ ការជួញដូរសម្ភារដែលចាត់ទុកថាជា “អាសអាភាស” ត្រូវផ្តន្ទាទោសដាក់ពន្ធនាគាររហូតដល់ ៣ ឆ្នាំ និងពិន័យជាប្រាក់រហូតដល់ ៦០០០ បាត។ ក្រុមដែលបានទៅសភាថៃ បានស្នើឱ្យធ្វើវិសោធនកម្មមាត្រា ២៨៧ នេះ។

មេដឹកនាំក្រុមនេះ ដែលជាអ្នកមានឥទ្ធិពល និងជាអ្នកសរសេរប្លុកកីឡាដ៏ល្បីល្បាញលោក Attapol Khaithong បាននិយាយថា ច្បាប់នេះបានកំណត់សិទ្ធិរបស់មនុស្សលើរាងកាយ និងជីវិតរបស់ពួកគេ។ លោកបានបន្ថែមថា ក្រសួងវប្បធម៌ និងក្រសួងសុខាភិបាល អាចគ្រប់គ្រងការផលិត និងចែកចាយមាតិកា ផ្លូវភេទ និងឧបករណ៍សិច។

ប្រព័ន្ធផ្សព្វផ្សាយថៃរាយការណ៍ថា ក្រុមនេះបានប្រមូលហត្ថលេខាពីមនុស្សយ៉ាងតិច ១០.០០០ នាក់ ដើម្បីដាក់សំណើជាផ្លូវការ៕

អត្ថបទទាក់ទង

យុវជន១ក្រុម ដាក់សំណើ​ទៅ​សភាថៃ ឱ្យផ្ដល់​ភាពស្របច្បាប់​ចំពោះ​រូបភាពអាសអាភាស និង​ឧបករណ៍សិ ច

យុវជន១ក្រុម ដាក់សំណើទៅសភាថៃ ឱ្យផ្ដល់ភាពស្របច្បាប់ចំពោះរូបភាពអាសអាភាស និងឧបករណ៍សិ ច