×
ព័ត៌មានថ្មី
  1. ភ័យមិនស្ទើរ! ភ្ញាក់ផ្អើល​នៅពេលឃើញ​គ្រាប់​មិនទាន់ផ្ទុះ ត្រូវបាន​ច្រកស្បោង​ព្យួរលើដើមឈើ​ដោយ​ប្រជាពលរដ្ឋ
  2. កម្ពុជា បន្តរកឃើញ​អ្នកឆ្លង​កូវីដ១៩​ថ្មី​ចំនួន ៤២នាក់ ជាប្រភេទ​អូមីក្រុង​ទាំងអស់ ខណៈ​ជាសះស្បើយ ១៨នាក់ និង​មិនមាន​ករណីស្លា ប់ថ្មីនោះទេ
  3. ការផ្ទុះ​ដ៏សាហាវ​មួយ ផ្ដាច់​ជីវិត​មនុស្ស​១៧នាក់ និង​៥៩នាក់ទៀត​រងរបួស នៅភាគខាងលិច​ប្រទេសហ្គាណា (មានវីដេអូ)
  4. នាយកដ្ឋាន​ប្រឆាំង​បទល្មើស​បច្ចេកវិទ្យា​កម្ពុជា បង្ហាញ​ករណី​ឆបោក​នៅ​សិង្ហបុរី ដែលប៉ះពាល់​អតិថិជន​ជិត៥០០នាក់ និង​បាត់បង់​ជាង​៦លានដុល្លារ
  5. ស្ថានទូត​កម្ពុជា​ប្រចាំ​ប្រទេសថៃ ជូនដំណឹង​ពី​អាហារូបករណ៍​សិក្សា​នៅ​មហាវិទ្យាល័យ​ជូឡាឡុងកន

Premier League Preview៖ ការប្រកួត​រវាង Liverpool Vs Arsenal

ក្រុមឈរនៅចំណាត់ថ្នាក់លេខ៤ Liverpool នឹងត្រូវស្វាគមន៍ក្រុមលេខ៥ Arsenal ក្នុង ក្របខណ្ឌ Premier League ចុង សប្តាហ៍ នេះ នៅ កីឡដ្ឋាន Anfield ដែលមានផ្សាយបន្តផ្ទាល់ផ្ដាច់មុខលើកញ្ចក់ទូរទស្សន៍ CTN ។

ក្រុមកាំភ្លើងធំ Arsenal កំពុងរីករាយជាមួយនឹងការប្រកួតមិនដែលចាញ់ ១០ប្រកួតនៅក្នុងការប្រកួតកម្មវិធីទាំងអស់ ដោយធ្វើឱ្យក្តីសង្ឃឹមក្នុងការបញ្ចប់នៅតំបន់កំពូលទាំង៤ បន្ទាប់ពីការចាប់ផ្តើមដ៏គួរឱ្យសោកសៅក្នុងដើមរដូវកាលនេះ ដែលរួមបញ្ចូលទាំងការបរាជ័យ៣លើកជាប់ៗគ្នា។

ទន្ទឹមនឹងនោះ Liverpool បានចាញ់តែម្តងគត់ក្នុងរដូវកាលនេះ នៅក្រៅដីជាមួយ West Ham បើទោះបីជាពួកគេ មិនឈ្នះក្នុងការប្រកួតលីគ ២លើកមុនរបស់ពួកគេ ខណៈលោក Jurgen Klopp មានបញ្ហានៅតំបន់ការពារក៏ដោយ។

ការសម្រាកអន្តរជាតិ បានបង្កើតការព្រួយបារម្ភបន្ថែមទៀតសម្រាប់ Klopp ដោយ Jordan Henderson បានចាកចេញពីជំរុំហ្វឹកហាត់របស់ក្រុមជម្រើសជាតិអង់គ្លេសមុនកំណត់។ ទន្ទឹមនឹងនោះ Sadio Mane បានរងរបួសឆ្អឹងជំនីជាមួយសេណេហ្គាល់ បើទោះបីជាបញ្ហានេះហាក់ដូចជាមិនធ្ងន់ធ្ងរក៏ដោយ។

ទោះជាយ៉ាងណាក៏ដោយ Andy Robertson ត្រូវបានគេរំពឹងថានឹងត្រូវអវត្តមានបន្ទាប់ពីគាត់ត្រូវបានគេបង្ខំឱ្យចេញពីការប្រកួតទល់នឹងប្រទេសដាណឺម៉ាក ពេលលេងឱ្យស្កុតឡែននៅពាក់កណ្តាលសប្តាហ៍ជាមួយនឹងបញ្ហាសរសៃពួរ ខណៈពេលដែល Harvey Elliott និង Roberto Firmino នឹងមិនមានវត្តមានទេ។

សម្រាប់ក្រុម Arsenal វិញ Thomas Partey បានអវត្តមានពីកាតព្វកិច្ចអន្តរជាតិជាមួយហ្គាណា ខណៈដែលគាត់កំពុងជាសះស្បើយពីរបួសដែលរារាំងគេមិនឱ្យបង្ហាញខ្លួនក្នុងការប្រកួតដែល Arsenal យកឈ្នះ Watford កាលពីពីរសប្តាហ៍មុន។

Pierre-Emerick Aubameyang ត្រូវបានបញ្ជូនត្រឡប់ទៅផ្ទះវិញ ពីក្រុមជម្រើសជាតិហ្គាបុង ដោយការផ្លាស់ប្តូរនេះហាក់ដូចជាមានការប្រុងប្រយ័ត្ន។

Kieran Tierney បានចាប់ផ្តើមពីរដង សម្រាប់ស្កុតឡែនក្នុងសប្តាហ៍ចុងក្រោយ បន្ទាប់ពីគាត់បានបាត់ខ្លួនជាមួយនឹងរបួសកជើង មុនពេលសម្រាកអន្តរជាតិ។

Liverpool មិន ស្គាល់ ចាញ់ សោះ ក្នុង ការ ជួប គ្នា ៨ លើក ចុង ក្រោយ របស់ ពួក គេ ជាមួយ Arsenal នៅ កីឡដ្ឋាន Anfield ក្នុង ការ ប្រកួត លីគ ដែល រួម ទាំងការ ទទួល ជ័យ ជម្នះ ៥-១ និង ៤-០ ក្នុង ខែ សីហា ឆ្នាំ២០១៧។

នេះជាជម្រើស១១នាក់ដំបូងរបស់ក្រុម Liverpool ដែលអាចប្រើប្រាស់ទម្រង់ ៤-៣-៣ ៖ Alisson (GK); Trent Alexander-Arnold (RB), Virgil van Dijk (CB), Joel Matip (CB), Kostas Tsimikas (LB); Fabinho (DM), Thiago Alcantara (CM), Alex Oxlade-Chamberlain (CM); Mohamed Salah (RW), Diogo Jota (ST), Sadio Mane (LW)

នេះជាជម្រើស១១នាក់ដំបូងរបស់ក្រុម Arsenal ដែលអាចប្រើប្រាស់ទម្រង់ ៤-៤-២ ៖Aaron Ramsdale (GK); Takehiro Tomiyasu (RB), Ben White (CB), Gabriel (CB), Kieran Tierney (LB); Bukayo Saka (RM), Thomas Partey (CM), Albert Sambi-Lokonga (CM), Emile Smith Rowe (LM); Alexandre Lacazette (ST), Pierre-Emerick Aubameyang (ST)

ក្រុមការងារនៅ CBS Sport បានទាយថា គ្រាប់បាល់រួមរវាងក្រុមទាំងពីរគឺ ច្រើនជាង៣គ្រាប់ ហើយលទ្ធផលសម្រាប់ការប្រកួតនោះគឺ ៖ Liverpool 3-2 Arsenal ។

កម្មវិធីផ្សាយបន្តផ្ទាល់សប្ដាហ៍នេះ៖

-Leicester ប៉ះ Chelsea ថ្ងៃសៅរ៍ ទី២០ ខែវិច្ឆិកា ឆ្នាំ២០២១ ម៉ោង ៧យប់ នៅ MyTV
-Watford ប៉ះ Man Utd ថ្ងៃសៅរ៍ ទី២០ ខែវិច្ឆិកា ឆ្នាំ២០២១ ម៉ោង ៩:៣០ យប់ នៅ MyTV
-Liverpool ប៉ះ Arsenal ថ្ងៃសៅរ៍ ទី២០ ខែវិច្ឆិកា ឆ្នាំ២០២១ ម៉ោង ១២ អធ្រាត្រ នៅ CTN

កុំភ្លេចណា ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍!!

អ្នកអាចចែករំលែកដោយ៖

អត្ថបទទាក់ទង