ផ្លឹស-ខេអេក ញូវ

ពេជ្រ ត្រូវ រៀមកាត់ទោសប្រហារជីវិត ប៉ុន្តែអ្នកដែលឈឺខ្លាំងបំផុតមានតែក្រវ៉ាន់ ដែលខំរត់ក្រាបសំពះអង្វរឱ្យគេឯងជួយ

កម្សាន្ត
November 22nd, 2021 (3 years)
Views: 363
Share

ភ្នំពេញ៖ រៀម ឆ្លៀតឱកាសសងសឹករឿងផ្ទាល់ខ្លួន ដោយសារស្តាប់ឭពាក្យអុជអាលរបស់លោកគ្រូពេទ្យសក្តា ថា មង្គលការរបស់ អប្សរ កើតឡើងដោយសារ ពេជ្រ រំលោភនាង។ អារម្មណ៍ស្តាប់ឭមិត្តស្លាប់រស់នឹងគ្នារំលោភមនុស្សស្រីដែលខ្លួនស្រលាញ់ ធ្វើឱ្យរៀមមានកំហឹងឆាបឆួលរហូតទំនាក់ទំនងដែលរាប់អានគ្នាជាបងប្អូនស្លាប់រស់តាំងពីតូច បែរប្រែប្រួលកាប់សម្លាប់គ្នាទៅវិញ។

ការឈ្លោះប្រកែក ប្រយុទ្ធគ្នារហូត ពេជ្រ បង្ករបួសដោយអចេតនាលើជំទាវ អមរា បានធ្វើឱ្យ រៀម ឆ្លៀតឱកាសចោទប្រកាន់ ពេជ្រ ថាមានបំណងចង់ធ្វើឃាតភរិយាខ្លួនដោយត្រូវកាត់ទោសប្រហារជីវិតជាកំហិត។ សម្តីមួយម៉ាត់នេះ បានប្រហារចិត្ត ក្រវ៉ាន់ ទាំងរស់ត្បិតនាងលួចស្រលាញ់ ពេជ្រ មកជាយូរណាស់មកហើយ ។

ទោសប្រហារជីវិតរបស់ ពេជ្រ ធ្វើឱ្យ ក្រវ៉ាន់នៅមិនស្ងៀមឡើយ នាងខំរត់ចុះរត់ឡើងទៅសុំការសណ្តោសពី រៀម ផងពីជំទាវ អមរា ផងពី អប្សរ និងស្តេចត្រាញ់ផង ប៉ុន្តែហាក់មិនមាននរណាម្នាក់អាចជួយស្រោចស្រង់អាយុជីវិតរបស់ ពេជ្រ លើកនេះបានឡើយ។ មិនដឹងថា វាសនារបស់ ពេជ្រ លើកនេះពិតជាត្រូវចប់ត្រឹមនេះ ឬយ៉ាងណា? កុំភ្លេចរង់ចាំទស្សនាទាំងអស់គ្នារឿងភាគខ្មែរ “នគរមាស” ចាក់ផ្សាយនៅលើកញ្ចក់ទូរទស្សន៍ និងផេករបស់ CTN រៀងរាល់ថ្ងៃចន្ទ-ព្រហស្បតិ៍វេលាម៉ោង៧យប់៕

(ទស្សនាវីដេអូ)

អត្ថបទទាក់ទង