ផ្លឹស-ខេអេក ញូវ

ភោជនីយដ្ឋានមួយនៅម៉ាឡេស៊ី អាចនឹងត្រូវពិន័យប្រាក់ជាច្រើន ក្រោយគិតតម្លៃត្រីមួយក្បាលពីភ្ញៀវថ្លៃជ្រុល

សង្គម
November 23rd, 2021 (4 years)
Views: 336
Share

ម៉ាឡេស៊ី៖ កាលពីដើមខែវិច្ឆិកានេះ ភោជនីយដ្ឋានបណ្តែតទឹកមួយនៅកោះ Langkawi ប្រទេសម៉ាឡេស៊ី អាចនឹងត្រូវប្រឈមការផាកពិន័យទឹកប្រាក់ជាច្រើន ក្រោយលក់ត្រីមួយក្បាលថ្លៃហួសកំណត់។

យោងតាមព័ត៌មានក្នុងស្រុកបានឱ្យដឹងថា ម្ចាស់ភោជនីយដ្ឋានមួយនៅកោះ Langkawi បានគិតថ្លៃត្រី Siakap មួយក្បាលទម្ងន់ ៧,៨គីឡូក្រាមរហូតដល់ជាង១ពាន់រីងហ្គីត (២៣៨ ដុល្លារអាមេរិក)។

យោងតាមប្រសាសន៍លោក Datuk Rosol អនុរដ្ឋមន្ត្រីក្រសួងពាណិជ្ជកម្មក្នុងស្រុក និងកិច្ចការអ្នកប្រើប្រាស់បានឱ្យដឹងថា ជាទូទៅតម្លៃត្រីមួយក្បាលនេះ លក់ត្រឹមតែ១៦រីងហ្គីត ប៉ុណ្ណោះក្នុងមួយគីឡូក្រាមនៃរយៈពេល៣ឆ្នាំចុងក្រោយនេះមិនទាន់មានការប្រែប្រួលឡើយ។ លោកបានបន្ថែមថា សម្រាប់អ្នកដែលលក់ខុសតម្លៃខ្លាំងបែបនេះអាចត្រូវប្រឈមនឹងការផាកពិន័យលើកទីមួយគឺ ១០ម៉ឺនរីងហ្គីត និងលើកទីពីរ ២៥ម៉ឺនរីងហ្គីត។

ក្រសួងបានចាប់ផ្តើមប្រតិបត្តិការមួយដែលគេស្គាល់ថាជា “Ops Menu” ដើម្បីតាមដានភោជនីយដ្ឋានណាដែលផ្គត់ផ្គង់ហួសកម្រិត ដោយប្រតិបត្តិករត្រូវរក្សាឯកសារពាក់ព័ន្ធទាំងអស់ ដើម្បីសម្រួលដំណើរការស៊ើបអង្កេតប្រសិនបើមានបញ្ហាបែបនេះកើតឡើងនៅថ្ងៃក្រោយ៕

អត្ថបទទាក់ទង