ផ្លឹស-ខេអេក ញូវ

ម្ដាយប្ដឹងប៉ូលិសដោយកូនបង្កើតលក់ គ្រឿងសង្ហារិម និងក្បឿងផ្ទះ ដើម្បីយកលុយបំពេញបំណងមិត្តស្រី

សង្គម
November 25th, 2021 (4 years)
Views: 643
Share

ឥណ្ឌូណេស៊ី៖ បុរសម្នាក់នៅទីក្រុង Yogyakarta ប្រទេសឥណ្ឌូណេស៊ី បានលក់គ្រឿងសង្ហារិម និងដំបូលផ្ទះដែលធ្វើពីក្បឿង ដើម្បីបំពេញបំណងរបស់មិត្តស្រីរបស់ខ្លួន។ ទីបំផុត ម្តាយរបស់បុរសនោះ បានសម្រេចចិត្តរាយការណ៍ទៅអាជ្ញាធរ ព្រោះមិនអាចទ្រាំនឹងទង្វើកូនប្រុសបាន។

កូនប្រុសអាយុ ២៥ឆ្នាំ ធ្វើការជាអ្នកដឹកជញ្ជូន បានសារភាពថា ជាធម្មតាខ្លួនរកបានប្រហែល ៣,៥០ដុល្លារ ទៅ ៧ដុល្លារប៉ុណ្ណោះក្នុងមួយថ្ងៃ ដែលវាមិនគ្រប់គ្រាន់សម្រាប់ការចំណាយលើស្នេហារបស់ខ្លួនឡើយ។

បុរសនោះបន្តថា ខ្លួនបានចាប់ផ្តើមលក់គ្រឿងសង្ហារិមពីក្នុងផ្ទះរបស់ម្ដាយ ដែលខ្លួនស្នាក់នៅ ចាប់ពីពាក់កណ្តាលខែតុលា ហើយបានលក់សន្លឹកដំបូលគ្បឿង កាលពីដើមខែវិច្ឆិកានេះ។
ចំណែក ម្តាយដែលមានអាយុ ៥៣ឆ្នាំ ជាឈ្នួលនៅផ្ទះមួយកន្លែង។

បុរសនោះ បានសារភាពថា៖ “ខ្ញុំបានប្រើ លុយពីការលក់គ្រឿងសង្ហារិម សម្រាប់អាហារប្រចាំថ្ងៃរបស់ខ្ញុំ ដូចគ្នាជាមួយមិត្តស្រីរបស់ខ្ញុំ។ ខ្ញុំមានមិត្តស្រីម្នាក់ នាងរស់នៅ Ngawi កោះជ្វាខាងកើត។”

គេបន្តថា ពួកគេបានជួបគ្នានៅពេលដែលមិត្តស្រី បានហៅម៉ូតូជិះប្រហែលមួយខែមុន។

“ខ្ញុំ បានឱ្យរបស់ទៅនាងដោយផ្ទាល់ ជួនកាលជាអាហារ ជួន កាលកាបូប និងសម្លៀកបំពាក់។ ខ្ញុំបានធ្វើវា ដោយសារតែសេចក្តីស្រឡាញ់”។ គេបានបន្ត។

សូមជម្រាបថា គ្រឿងសង្ការិម ដែលគេលក់បាន បានប្រាក់ប្រហែល ១.៦៨០ ដុល្លារអាមេរិក៕

អត្ថបទទាក់ទង

ម្ដាយប្ដឹង​ប៉ូលិស​ដោយ​កូនបង្កើត​លក់ គ្រឿង​សង្ហារិម និង​ក្បឿងផ្ទះ ដើម្បី​យក​លុយ​បំពេញ​បំណង​មិត្តស្រី

ម្ដាយប្ដឹងប៉ូលិសដោយកូនបង្កើតលក់ គ្រឿងសង្ហារិម និងក្បឿងផ្ទះ ដើម្បីយកលុយបំពេញបំណងមិត្តស្រី