ផ្លឹស-ខេអេក ញូវ

ស្វែងរកជើងខ្លាំងប្រកួតស្នាដៃសិល្បៈដើម្បីយល់ដឹងអំពីបេតិកភណ្ឌវប្បធម៌អរូបីទាំង៥របស់កម្ពុជាដើម្បីដណ្តើមប្រាក់រង្វាន់

សង្គម
November 25th, 2021 (3 years)
Views: 448
Share

ភ្នំពេញ៖ សាកលវិទ្យាល័យភូមិន្ទវិចិត្រសិល្បៈ និងអង្គការយូណេស្កូ បានជូនដំណឹង និងប្រកាសស្វែងរកជើងខ្លាំងចូលរួមប្រកួតស្នាដៃសិល្បៈ និងការយល់ដឹងអំពីបេតិកភណ្ឌវប្បធម៌អរូបីទាំង៥របស់កម្ពុជាដែលមានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូមានដូចជា របាំរាជទ្រព្យឆ្នាំ២០០៣ ល្ខោនស្រមោលស្បែកធំឆ្នាំ២០០៥ ល្បែងទាញព្រ័ត្រឆ្នាំ២០១៥ ចាប៉ីដងវែងឆ្នាំ២០១៦ និងល្ខោនខោលវត្តស្វាយអណ្តែតឆ្នាំ២០១៨។

គោលបំណងនៃការប្រកួតនេះ គឺដើម្បីលើកកម្ពស់ការយល់ដឹងសមាសធាតុ Intangible Cultural Heritage នៃប្រទេសកម្ពុជាដែលបានចុះបញ្ជីរួចហើយនៅក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ និងជាការលើកទឹកចិត្តឱ្យពលរដ្ឋកម្ពុជាមានឱកាសបង្ហាញទេពកោសល្យរបស់ពួកគេផងដែរ។

សម្រាប់ស្នាដៃចូលរួមប្រកួតមានដូចជា៖
១. គំនូរវិចិត្រកម្ម (A2) សម្ភារសេរី (សខ្មៅ ពណ៌ទឹក ពណ៌ប្រេង Pastel)
២. ថតរូប (ផ្តល់ជា File ទំហំតូចបំផុត 3M និងផ្តិតរូបលើក្រដាស A3)
៣. រចនាក្រាហ្វិចលើក្រដាសទំហំ A3

ជ័យលាភីត្រូវបានបែងចែកជា៣ដោយ៖
• ជ័យលាភីលេខ១៖ រង្វាន់ប្រាក់១លានរៀល បណ្ណសរសើរមួយ និងរង្វាន់លើកទឹកចិត្តផ្សេងៗទៀត
• ជ័យលាភីលេខ២៖ រង្វាន់ប្រាក់៥លានរៀល បណ្ណសរសើរមួយ និងរង្វាន់លើកទឹកចិត្តផ្សេងៗទៀត
• ជ័យលាភីលេខ៣៖ រង្វាន់ប្រាក់៤លានរៀល បណ្ណសរសើរមួយ និងរង្វាន់លើកទឹកចិត្តផ្សេងៗទៀត

ការចុះឈ្មោះអាចចូលក្នុង Group Telegram មហាវិទ្យាល័យសិល្បៈសូនរូបចាប់ពីថ្ងៃទី០១ ខែធ្នូ ឆ្នាំ២០២១តទៅ។ ស្នាដៃត្រូវប្រគល់មកមហាវិទ្យាល័យនៅថ្ងៃទី០៧ ខែមីនា ឆ្នាំ២០២២ និងការប្រកាសជ័យលាភីគឺនៅថ្ងៃទី១៥ ខែមីនា ២ឆ្នាំ២០២២។ ព័ត៌មានលម្អិតអាចទាក់ទងតាមរយៈលេខទូរសព្ទ ០១៧ ២០០ ៤៦២/០១១ ៩០៦ ២៥៩ និងលេខទំនាក់ទំនងតាម Telegram ០៨៩ ៥៥៦ ៦៩៨៕

អត្ថបទទាក់ទង