ផ្លឹស-ខេអេក ញូវ

ទោះបីពេទ្យប្រាប់ថា ចង្វាក់បេះដូងកូនក្នុងផ្ទៃលែងលោតក៏ដោយក៏ Jessi J នៅតែសម្រួលអារម្មណ៍សម្រាប់ការប្រគំតន្ត្រីតាមថ្ងៃកំណត់

កម្សាន្ត
November 25th, 2021 (4 years)
Views: 398
Share

អង់គ្លេស៖ ដោយសារតែភាពច្របូកច្របល់ក្នុងអារម្មណ៍ខ្លាំងពេក Jessie J ម្ចាស់បទ Flashlight បានចែករំលែករឿងផ្ទាល់ខ្លួនរបស់នាងកាលពីម្សិលមិញថា នាងមិនដឹងថាការចែករំលែកពេលនេះជារឿងត្រូវ ឬខុសទេ ព្រោះនាងពិតជាមិនអាចទប់អារម្មណ៍បាននៅពេលដែលការពិនិត្យផ្ទៃពោះលើកទី៣របស់នាងបែរជាទទួលបានពាក្យមួយម៉ាត់ពីគ្រូពេទ្យថា ចង្វាក់បេះដូងកូនក្នុងផ្ទៃរបស់នាងលែងលោតទៀតហើយ។

អារម្មណ៍ជាម្តាយនៅពេលដែលត្រូវរលូតកូនបែបនេះពិតជាពិបាកទទួលបំផុតទាំងដែលនាងទើបតែនិយាយជាមួយមិត្តភក្តិជាមួយសំណើចក្អាកក្អាកកាលពីព្រឹកថ្ងៃទី២៣ វិច្ឆិកា ថ្មីៗនេះថា នាងនឹងចូលរួមការប្រគំតន្ត្រីនៅយប់ថ្ងៃទី ២៥ ខែវិច្ឆិកា នេះដោយមិនប្រាប់អ្នកគាំទ្រថានាងកំពុងមានផ្ទៃពោះឡើយ។

ផ្ទុយទៅវិញ អ្វីៗបានប្រែប្រួលទាំងស្រុងដោយអារម្មណ៍រំភើបបែរទៅជាសោកសៅដោយសារកូនក្នុងផ្ទៃនាងលែងនៅទៀត ទោះជាយ៉ាងណា Jessi បានបញ្ជាក់ថា នាងមិនអាចអង្គុយកើតទុក្ខនៅផ្ទះ និងលុបចោលការប្រគំតន្ត្រីឡើយ ព្រោះនាងជឿថាវានឹងអាចធ្វើឱ្យអារម្មណ៍របស់នាងប្រសើរឡើង។ Jessi ស្រលាញ់ចម្រៀងខ្លាំងបំផុតដែលនាងបានចាប់ផ្តើមច្រៀងតាំងពីនៅក្មេងម្ល៉េះ។

ការចែករំលែករបស់ Jessi អាចនឹងមានមនុស្សមួយចំនួននិយាយថា នាងគួរតែលុបចោលការចូលរួមប្រគំតន្ត្រីនេះ ទោះជាយ៉ាងណា សម្រាប់ Jessi យល់ថា នាងព្រមទទួលយកការពិតដែលកូនក្នុងផ្ទៃលែងនៅជាមួយនាងហើយ រីឯការប្រគំតន្ត្រីនៅ LA ក៏នៅតែមានវត្តមានរបស់នាងដូចដើម ប៉ុន្តែនាងអាចនឹងមិនសូវមានភាពកំប្លុកកំប្លែងដូចរាល់ដងឡើយ ទោះជាយ៉ាងណា Jessi បានអះអាងថា បេះដូងនាងនឹងនៅក្នុងកម្មវិធីសម្រាប់អ្នកគាំទ្រទាំងអស់គ្នា៕

អត្ថបទទាក់ទង