ផ្លឹស-ខេអេក ញូវ

អាជ្ញាធរ ដាក់ឱ្យដំណើរការខ្សែទស្សនាថ្មី នៃប្រាសាទបាយ័ន ដើម្បីកាត់បន្ថយការកកស្ទះ

សង្គម
November 26th, 2021 (3 years)
Views: 605
Share

សៀមរាប៖ អាជ្ញាធរជាតិអប្សរា បានជូនដំណឹងថា ក្នុងអំឡុងពេលនៃការបិទជាន់ទីបីនៃប្រាសាទបាយ័ន (ប្រាង្គកណ្តាល) ដើម្បីធ្វើការជួសជុល អាជ្ញាធរជាតិអប្សរាបានសិក្សាស្រាវជ្រាវ និងរៀបចំខ្សែទស្សនាថ្មីដែលរក្សាបាននូវគុណ តម្លៃនៃប្រាសាទ កាត់បន្ថយការកកស្ទះ ផ្តល់នូវសុវត្ថិភាពជូនភ្ញៀវទេសចរ ព្រមទាំងបង្កើនគុណភាពនៃការទស្សនា។

តាមរយៈនេះ ភ្ញៀវទេសចរអាចទស្សនាប្រាសាទបាយ័ននៅជាន់ទីមួយ និងទីពីរ ព្រមទាំងផ្នែកដទៃទៀត ក្រៅពីជាន់ទីបី ដោយអនុវត្តតាមខ្សែទស្សនាថ្មីដែលមាន ៣ជម្រើសដូចជា៖ ជម្រើសរយៈពេលខ្លី (៥៥នាទី) ជម្រើសរយៈពេលមធ្យម (១ម៉ោង១៥នាទី) និងជម្រើសរយៈពេលវែង (១ម៉ោង៤៥នាទី) ដោយជម្រើសនីមួយៗអនុញ្ញាតឱ្យទេសចរឆ្លងកាត់ផ្នែក សំខាន់ៗដូចជា ផ្ទាំងចម្លាក់សាច់រឿង ចំណុចសំខាន់ដែលពុំធ្លាប់ទស្សនាបានទូលំទូលាយកាលពីពេលមុន ទីតាំងថតរូប ប្រាសាទបានស្អាតៗជាដើម។

ទន្ទឹមនឹងនេះ ហេដ្ឋារចនាសម្ព័ន្ធ និងបរិក្ខារចាំបាច់នានាដូចជាជណ្តើរ រនាំងរបារ ស្លាកសញ្ញ ប្រាប់ទិសដៅទស្សនា ផ្ទាំងព័ត៌មានបរិយាយពីចម្លាក់នៅតាមជញ្ជាំងថែវ… ។ល។ ត្រូវបានរៀបចំថ្មីបន្ថែមរួចរាល់ដើម្បី សម្រួលដល់ដំណើរការនៃខ្សែទស្សនាផងដែរ។

អាជ្ញាធរជាតិអប្សរា នឹងដាក់ឱ្យដំណើរការខ្សែទស្សនាថ្មីនេះចាប់ពី ថ្ងៃទី០១ ខែធ្នូ ឆ្នាំ២០២១ តទៅ៕

អត្ថបទទាក់ទង

អាជ្ញាធរ ដាក់ឱ្យ​ដំណើរការ​ខ្សែទស្សនា​ថ្មី នៃ​ប្រាសាទបាយ័ន ដើម្បី​កាត់បន្ថយ​ការកកស្ទះ

អាជ្ញាធរ ដាក់ឱ្យដំណើរការខ្សែទស្សនាថ្មី នៃប្រាសាទបាយ័ន ដើម្បីកាត់បន្ថយការកកស្ទះ