ព័ត៌មានថ្មី
- លោកជំទាវអ្នកឧកញ៉ា ម៉ៅ ចំណាន គិតម៉េង ចូលរួមខួបអនុស្សាវរីយ៍នៃទំនាក់ទំនងការទូតសហរដ្ឋអាមេរិក-កម្ពុជា លើកទី៧៥ នៅសារមន្ទីរជាតិ
- ក្រុមការងារសមាគមសិល្បករខ្មែរចុះសួរសុខទុក្ខតារាកំប្លែងនាយ ផ្លក់ចយ នៅមន្ទីរពេទ្យ
- «ថ្ងៃសែនដកជើងធូប» គ្រូចិនសែ ប្រាប់អំពីរបៀបរៀបចំគ្រឿងរណ្តាប់សែន យកង៉ូវហេងពេញមួយឆ្នាំ
- «សមរភូមិសំណើច»សប្ដាហ៍ទី៨៖ ល្បិចថ្មីពីកំពូលចុងភៅទាំងពីរ មិនត្រឹមតែមិនផ្ដល់ម្ហូបគ្រប់គ្រាន់ដល់កីឡាករទេ ថែមទាំងប្រើវិធីសាស្ត្រខូចឱ្យគេទិញម្ហូបទៀត
- យុវជនមួយរូបត្រូវចាប់ខ្លួនករណីបង្ហោះសារគម្រាមខ្សែប្រយុទ្ធ Kai Havertz
តោះទៅលេង! ខេត្តមណ្ឌលគិរី ចាប់ផ្ដើមធ្លាក់ខ្យល់ខ្លាំង និងរងាជាងធម្មតា ចុះត្រជាក់ដល់១៨អង្សា
- កម្សាន្ត
- December 1st, 2021 (3 years)
មណ្ឌលគិរី៖ ប្រហែល២សប្ដាហ៍មកហើយដែលខេត្តមណ្ឌលគិរី ចាប់ផ្ដើមធ្លាក់ខ្យល់ខ្លាំងជាសញ្ញាបញ្ជាក់ថារដូវរំហើយចូលដល់ ប៉ុន្តែកន្លងមកនោះមិនសូវមានភាពរងានោះទេ ទើបតែ៣ថ្ងៃចុងក្រោយនេះ មានខ្យល់ខ្លាំង និងលាយឡំជាមួយភាពត្រជាក់រងាខ្លាំងផងដែរ ចំណែកស្ថានភាពអាកាសធាតុ ក៏មានភ្លៀងរលឹម ពពកខ្មៅមីដេរដាសរសាត់ពេញផ្ទៃមេឃ។
បើពិនិត្យទៅលើអាកាសធាតុនៅក្នុងក្រុងសែនមនោរម្យ នៅកាលពីថ្ងៃទី៣០ ខែវិច្ឆិកា កន្លងមកនេះ គឺមានភ្លៀងរលឹមតាំងពីវេលាទៀបភ្លឺ និងអូសបន្លាយមកដល់ពេលថ្ងៃត្រង់ ហើយនៅព្រឹកថ្ងៃទី០១ ខែធ្នូនេះផ្ទាល់ ទោះបីភ្លៀងបានរាំង ប៉ុន្តែនៅតែមានខ្យល់បក់បោកខ្លាំង លាយឡំជាមួយសំណើមទឹក និងមានភាពត្រជាក់រងាផងដែរ។ ផ្អែកទៅលើឧបករណ៍វាស់ស្ទង់សីតុណ្ហភាព នៅក្រុងសែនមនោរម្យ សីតុណ្ហភាពបានធ្លាក់ដល់១៨អង្សា និងខ្ពស់បំផុតត្រឹម២៤អង្សាប៉ុណ្ណោះ លក្ខណៈបែបនេះគួបផ្សំជាមួយខ្យល់បក់បោកខ្លាំង បានធ្វើឲ្យកាន់តែរងារថែមមួយកម្រិត។
សូមជម្រាបថាខេត្តមណ្ឌលគិរី មានក្រុង-ស្រុកចំនួន៥ ក្នុងនោះដែរ ក្រុងសែនមនោរម្យ ស្រុកអូររាំង ស្រុកពេជ្រាដា មានសីតុណ្ហភាពត្រជាក់ជាងស្រុកកែវសីមា និងស្រុកកោះញែក ហើយស្រុកអូររាំងនិងក្រុងសែនមនោរម្យ ជាតំបន់ដែលត្រជាក់ខ្លាំង ពីព្រោះភូមិសាស្ត្រតំបន់នេះប្រជុំទៅដោយភ្នំច្រើន និងមានរយៈកម្ពស់ខ្ពស់ជាងនេវ៉ូទឹកសមុទ្រ ពី៧០០ម៉ែត្រទៅ១.០០០ម៉ែត្រឯណោះ។ ជាទូទៅខេត្តមណ្ឌលគិរី នឹងមានអាកាសធាតុត្រជាក់ខ្លាំងចន្លោះពីខែតុលា ទៅដល់ខែមករា អំឡុងពេលនោះដែរអាកាសធាតុត្រជាក់ ក៏បានទាក់ទាញចំណាប់អារម្មណ៍អ្នកទេសចរជាច្រើនមកកម្សាន្ត ជាពិសេសនៅពេលបុណ្យឆ្លងឆ្នាំសកល ដែលសីតុណ្ហភាពនឹងធ្លាក់ទាបក្រោម១៥អង្សា៕
អត្ថបទ៖ ប៊ុត សុភ័ក្រ
អត្ថបទទាក់ទង
MasterChef Cambodia
