ផ្លឹស-ខេអេក ញូវ

ទឹកធ្លាក់ថ្មដាតូច លាក់ខ្លួនក្នុងព្រៃឈើដ៏ក្រាស់ជាមួយនឹងទឹកធ្លាក់កម្ពស់រាប់សិបម៉ែត្រ និងផ្ទាំងថ្មធំៗ

កម្សាន្ត
December 1st, 2021 (3 years)
Views: 475
Share

ពោធិ៍សាត់៖ យោងតាមនាយកដ្ឋានជំរុញទេសចរណ៍ក្នុងស្រុក និងអប់រំការយល់ដឹងជាសាធារណៈ បានឱ្យដឹងថា ទឹកធ្លាក់ថ្មដាតូច ជារមណីយដ្ឋានធម្មជាតិមួយ ដែលមានទេសភាពព្រៃឈើដ៏ក្រាស់ គ្របដណ្តប់ពីលើទឹកធ្លាក់ថ្លាឈ្វេងហូរខួបប្រាំ ខួបវស្សា និងមានកម្ពស់ ៣០ម៉ែត្រអមដោយដើមឈើ និងផ្ទាំងថ្មធំៗ។

នៅក្នុងរមណីយដ្ឋាននេះ ក៏មានដាក់លក់នូវកសិផល និងផលិតផលផ្សេងៗរបស់សហគមន៍ឃុំថ្មដា។ ទេសចរ អាចធ្វើការស្នាក់នៅលំហែកាយ និងទទួលទានអាហារក្បែរមាត់ជ្រោះ ងូតទឹកកម្សាន្ត ការទិញកសិផលផលិតផលសហគមន៍ និងថតរូបអនុស្សាវរីយ៍។

ទឹកធ្លាក់ថ្មដាតូច មានទីតាំងស្ថិតនៅ ភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់ មានចម្ងាយប្រហែល ១៧០ គីឡូម៉ែត្រ ពីទីរួមខេត្តពោធិ៍សាត់ ដោយធ្វើដំណើរតាមផ្លូវលេខ៥៥ ឆ្ពោះទៅកាន់ស្រុកវាលវែង និងមានចម្ងាយប្រហែល ១គីឡូម៉ែត្រពីទីតាំងទេសចរណ៍ភ្នំទំព័រ៕

អត្ថបទទាក់ទង