×

ភ្លៀងធ្លាក់​បង្កជា​ទឹកជំនន់ និងបាក់ដី​នៅវៀតណាម បាត់ ខ្លួន១៨នាក់

វៀតណាម៖ អាជ្ញាធរបាននិយាយនៅថ្ងៃព្រហស្បតិ៍ ទី២ ខែធ្នូ នេះថា ភ្លៀងធ្លាក់ខ្លាំង ដែលបានបង្កជាទឹកជំនន់ និងការរអិលបាក់ដីនៅភាគកណ្តាលប្រទេសវៀតណាម បានបណ្តាលឱ្យមនុស្សយ៉ាងហោចណាស់ ១៨ នាក់បាត់ខ្លួន ដែលអាចបាត់បង់ជីវិត ផ្ទះត្រូវបានបំផ្លាញ និងផ្លូវថ្នល់បានរងការខូចខាត។

រដ្ឋាភិបាលវៀតណាម បានចេញសេចក្តីថ្លែងការណ៍មួយថា ទោះជាយ៉ាងណាក៏ដោយ ភ្លៀងបានថមថយ ហើយកិច្ចខិតខំប្រឹងប្រែងជួយសង្គ្រោះ កំពុងដំណើរការដើម្បីស្វែងរកអ្នកដែលបានបាត់ខ្លួន។ ផ្លូវមួយចំនួន ផ្លូវខេត្ត និងផ្លូវក្នុងស្រុក ត្រូវបានបិទបរាចរណ៍ដោយផ្នែក។

រូបភាពនៅលើគេហទំព័រព័ត៌មាន និងប្រព័ន្ធផ្សព្វផ្សាយសង្គមក្នុងប៉ុន្មានថ្ងៃចុងក្រោយនេះ បង្ហាញពីទឹកហូរយ៉ាងលឿន ភក់ មនុស្សជិះទូកលើផ្លូវលិចទឹក ឬដើរកាត់ទឹកត្រឹមចង្កេះ ខ្លះរុញម៉ូតូដែលរលត់។

ទីក្រុងជាប់តំបន់ឆ្នេរ Phu Yen, Binh Dinh និងខេត្តដាំកាហ្វេសំខាន់របស់វៀតណាម Dak Lak បានរងការវាយប្រហារខ្លាំងបំផុត។

ទឹកជំនន់ បានជន់លិចវាលស្រែចំនួន ៧៨០ ហិកតា បើទោះបីជាមិនទាន់មានរបាយការណ៍អំពីការខូចខាតដល់កសិដ្ឋានកាហ្វេក៏ដោយ។

សូមជម្រាបថា ប្រទេសវៀតណាម ងាយនឹង ទទួលរងឥទ្ធិពលព្យុះ និងកើតមានទឹកជំនន់ ដោយសារមានឆ្នេរ សមុទ្រវែង។ គ្រោះធម្មជាតិ ដែលភាគច្រើនជាទឹកជំនន់ និងការបាក់ដី បានសម្លាប់មនុស្ស ៣៧៨ នាក់កាលពីឆ្នាំមុន នៅប្រទេសវៀតណាម៕

(ទស្សនាវីដេអូ)

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika