×

ប្រទេសជប៉ុន ផ្អាក​ទទួល​កម្មសិក្សាការី-ពលករ​ជំនាញ​កម្ពុជា ជា​បណ្ដោះអាសន្ន

ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានជូនដំណឹងដល់សមាគមទីភ្នាក់ងារ ជ្រើសរើសឯកជន ទីភ្នាក់ងារជ្រើសរើសឯកជន និងកម្មសិក្សាការី-ពលករជំនាញ ដែលត្រៀមចេញដំណើរទៅធ្វើកម្មសិក្សា និងធ្វើការនៅប្រទេសជប៉ុនទាំងអស់ថា ដើម្បីបង្ការការឆ្លងរីករាលដាលនវីរុស កូវីដ-១៩ បំប្លែងថ្មីឈ្មោះអូមីក្រុង (Omicron) រាជរដ្ឋាភិបាលជប៉ុន បានសម្រេចផ្អាកការធ្វើដំណើរចូល ប្រទេសជប៉ុនជាបណ្តោះអាសន្នចំពោះអ្នកដំណើរថ្មី រួមទាំងកម្មសិក្សាការី-ពលករជំនាញកម្ពុជាដែល ត្រៀមចេញដំណើរទៅធ្វើការនៅប្រទេសជប៉ុនផងដែរ សម្រាប់រយៈពេល ០១ខែ គិតចាប់ពីថ្ងៃទី៣០ ខែវិច្ឆិកា ឆ្នាំ២០២១ នេះតទៅ។

គួររំឭកថា រដ្ឋាភិបាលនៃប្រទេសជប៉ុន ទើបតែបានសម្រេចអនុញ្ញាតឱ្យជនបរទេស រួមទាំងកម្មសិក្សាការី-ពលករជំនាញកម្ពុជា ចូលប្រទេសជប៉ុនឡើងវិញ ចាប់ពីថ្ងៃទី៨ ខែវិច្ឆិកា ឆ្នាំ២០២១ ប៉ុណ្ណោះ។ នេះបើយោងតាមសេចក្ដីជូនដំណឹងលេខ ០៥២/២១ ក.ប/ស.ជ.ណ.ម.ហ ស្តីពីនីតិវិធីសម្រាប់កម្មសិក្សាការី-ពលករជំនាញកម្ពុជាទៅធ្វើការនៅប្រទេសជប៉ុន ស្របតាមវិធានការព្រំដែនថ្មីរបស់រដ្ឋាភិបាលនៃប្រទេសជប៉ុន៕

អ្នកអាចចែករំលែកដោយ៖

អត្ថបទទាក់ទង