×

រៀម បានត្រឹម​និទាន​រឿងកំណើត​ស្នេហ៍​រវាងខ្លួន និងអប្សរ ឱ្យ​កូនប្រុស​ស្តាប់ ទាំង​មិនអាច​ទទួល​ស្គាល់​ថាជា​ឪពុកបង្កើត

Review៖ មុនពេល អប្សរ ត្រូវបានកាត់ទោសប្រហារជីវិត នាងត្រូវរស់រងទុក្ខវេទនា បៀមទុក្ខស្រក់ទឹកភ្នែករាល់ថ្ងៃ ដោយសារអ្វីៗបានប្រែប្រួលក្រោយ រៀម ត្រលប់មកពីធ្វើសង្គ្រាមវិញ។ ទោះជាមានរឿងអ្វីកើតឡើងក៏ដោយ ក៏ អប្សរ មិនព្រមប្រាប់ការពិត និងរឿងដែលបានកើតឡើងអំឡុងពេល រៀម ទៅធ្វើសង្គ្រាមដែរ ថែមទាំងត្រូវលោកគ្រូពេទ្យ សក្តា ញុះញង់ពីក្រោយខ្នងទៀតនោះធ្វើឱ្យ អប្សរ ត្រូវបាន រៀម កាត់ទោសប្រហារជីវិតក្នុងនាមជាជនក្បត់ទឹកដី។

រយៈពេលជាង១០ឆ្នាំកន្លងផុតទៅ កូនប្រុសរបស់ អប្សរ បានធំពេញរូបពេញរាងប្រកបដោយគន្លងធម៌ រីឯស្តេចត្រាញ់ពញាពង្ស ក៏បានចែកឋានដោយមុនពេលផុតដង្ហើមលោក បានខ្សឹបប្រាប់ រៀម ថា រាហ៊ុល ជាកូនប្រុសបង្កើតរបស់ រៀម ហើយពេជ្រ ក៏បានប្រាប់ការពិតទាំងអស់ដែលបានកើតឡើងចំពោះ អប្សរ ធ្វើឱ្យមួយជីវិតនេះ រៀម មានវិប្បដិសារី និងបន្ទោសខ្លួនឯងមិនឈប់ឡើយ។

ពីមួយភាគទៅមួយភាគ ភាពយន្តខ្មែរ “នគរមាស” បានធ្វើឱ្យទស្សនិកជនកាន់តែរំជួលចិត្តតាម និងរឹតតែចង់ដឹងថា នៅពេលដែលរាហ៊ុលដឹងការពិតថា រៀម ជាឪពុកបង្កើតតើគ្នានឹងមានអារម្មណ៍បែបនេះវិញ។ ចង់ដឹងសាច់រឿងបន្តថានឹងមានរឿងអ្វីកើតឡើងទៀត កុំភ្លេចរង់ចាំតាមដានការចាក់ផ្សាយរៀងរាល់ថ្ងៃចន្ទ-ព្រហស្បតិ៍ វេលាម៉ោង ៧យប់នៅលើកញ្ចក់ទូរទស្សន៍ និងផេករបស់ CTN៕

(ទស្សនាវីដេអូ)

អ្នកអាចចែករំលែកដោយ៖

អត្ថបទទាក់ទង