ព័ត៌មានថ្មី
- «សមរភូមិសំណើច» ទីបំផុតកំពូលបុគ្គលិករបស់ក្រុមផ្ការីកគ្រប់រដូវបានស្គាល់ជាតិជិះឧទ្ធម្ភាគចក្រហើយ!
- នេះគ្រាន់តែជាការតេស្តដំបូងប៉ុណ្ណោះ! កម្លាំងគោជល់ ដែលឧបត្ថម្ភផ្ដាច់មុខដោយ Red Bull សន្យាថានឹងមានវិញ្ញាសាកាន់តែប្លែកនៅវគ្គបន្ទាប់!
- ត្រឡប់ទៅមើលវិធីវិចអន្សម ពីកម្មវិធី MasterChef Cambodia រដូវកាលទី៣ នាឱកាសពិធីបុណ្យចូលឆ្នាំខ្មែរនេះ
- Judge Jessica បង្ហាញវីឌីអូខ្លីនាំឱ្យ Fan Fan កម្មវិធី MasterChef Cambodia រំភើបថែមមួយកម្រិតទៀតក្នុងឱកាសពិធីបុណ្យចូលឆ្នាំខ្មែរ
- ក្រោយបញ្ចប់ការដាក់ពាក្យ ការប្រកួតកម្លាំងដ៏អស្ចារ្យតែមួយគត់នៅកម្ពុជា “កម្លាំងគោជល់” ដែលឧបត្ថម្ភផ្ដាច់មុខដោយ Red Bull Power នឹងមកដល់លើកញ្ចក់ទូរទស្សន៍ CTN ក្នុងពេលឆាប់ៗខាងមុខ
អាវរងា ចាប់ផ្តើមលក់ដាច់នៅពេលដែលអាកាសធាតុចុះត្រជាក់
- សង្គម
- December 7th, 2021 (3 years)
កំពង់ឆ្នាំង៖ អាជីវករលក់ខោអាវនៅផ្សារលើ ខេត្តកំពង់ឆ្នាំង បានឱ្យដឹងថា ចាប់តាំងពីអាកាសធាតុចុះត្រជាក់ ក្នុងរយៈពេលប៉ុន្មានថ្ងៃនេះ មានអ្នកមកទិញខោ អាវ ច្រើនជាងពេលមុន ជាពិសេសអាវរងារ។
អ្នកស្រី គង់ ចន្ថា អ្នកលក់ខោអាវនៅផ្សារលើខេត្តកំពង់ឆ្នាំង បាននិយាយឱ្យដឹងថា ក្នុងរយៈពេល២-៣ថ្ងៃនេះ គាត់លក់ដាច់ជាងពេលមុន ហើយអ្នកមកទិញភាគច្រើនគឺអាវរងា និងខោ អាវជជុះក្រាស់ៗ ដែលមានតម្លៃធូរថ្លៃ។
ចំណែកអ្នកស្រី ជួន ស្រីពៅ អ្នកលក់ខោអាវនៅផ្សារលើខេត្តកំពង់ឆ្នាំង បានឱ្យដឹងដែរថា ប៉ុន្មានថ្ងៃនេះ អាវរងា ត្រូវបានលក់ដាច់ច្រើន មិនថាអាវរងាសម្រាប់មនុស្សចាស់ ឬក្មេងឡើយ គឺលក់ដាច់ជាទូទៅ។ ប៉ុន្តែមិនបានច្រើនដូចឆ្នាំមុនៗទេ ពីព្រោះអ្នកលក់កាន់តែច្រើន ហើយមានអ្នកខ្លះទៀត គេដឹកឡានដើរលក់ទៅដល់ភូមិឃុំតែម្តង។
សូមបញ្ជាក់ថា ក្រសួងធនធានទឹក និងឧតុនិយម នៅថ្ងៃទី៧ ខែធ្នូ ឆ្នាំ២០២១នេះ បានចេញសេចក្តីជូនដំណឹង ស្តីពីស្ថានភាពធាតុអាកាសនៅកម្ពុជា ចាប់ពីថ្ងៃទី៨ ដល់ ១៤ ខែធ្នូ ឆ្នាំ២០២១។
ក្រសួងធនធានទឹកបានបញ្ជាក់ថា ព្រះរាជាណាចក្រកម្ពុជា បន្តទទួលរងឥទ្ធិពលពីទ្រនុងសម្ពាធខ្ពស់ពីប្រទេសចិន ជាមួយនឹងខ្យល់មូសុងឦសាន បក់ពីមធ្យមទៅបង្គួរ។ ស្ថានភាពបែបនេះបានធ្វើឱ្យខេត្តនៅជាប់ជួរភ្នំដងរែក និងខ្ពង់រាបភាគឥឦសានចុះត្រជាក់ដល់ ១៧អង្សាសេ៕
អត្ថបទ៖ ហឹង ចូច
អត្ថបទទាក់ទង
MasterChef Cambodia
RED BULL POWER
