ផ្លឹស-ខេអេក ញូវ

គ្រាន់តែ BTS’s V ច្រលំដៃ Follow Jennie ក្រោយទើបបង្កើតគណនី IG ម្នាក់ៗនាំគ្នាចូលជេរនាងព្រាតថាចង់ទទួលបានការចាប់អារម្មណ៍

កម្សាន្ត
December 8th, 2021 (3 years)
Views: 340
Share

កូរ៉េខាងត្បូង៖ អ្នកនិយមលេង IG នាំគ្នាភ្ញាក់ផ្អើលក្រោយសមាជិកក្រុម BTS បានបង្កើតគណនី IG ដំបូងក្រោយប្រឡូកក្នុងវិស័យសិល្បៈអស់ជាច្រើនឆ្នាំមកនេះ។ សន្ទុះនៃអ្នកចូលទៅចុច Follow BTS បានស្ទុះឡើងខ្លាំងស្របទៅតាមប្រជាប្រិយភាពរបស់ពួកគេ ទន្ទឹមនឹងនោះអ្នកគាំទ្របានចាប់អារម្មណ៍ថា BTS’s V បានចុច Follow Jennie សមាជិកក្រុម Blackpink រហូតធ្វើឱ្យអ្នកគាំទ្រមានចម្ងល់ជាខ្លាំង និងយល់ថាអ្នកទាំងពីរ កំពុងលួចមានទំនាក់ទំនងស្នេហាគ្នាស្ងាត់ៗ។

ក្រោយពីឃើញសន្ទុះនៃការយល់ច្រលំទាំងនេះ បានផ្ទុះឡើងកាន់តែខ្លាំង មនុស្សជាច្រើនបានចូលទៅ comments ជេរ Jennie មិនសំចៃមាត់ថាចង់បានការចាប់អារម្មណ៍ពី V និងខ្លះទៀតបានកាត់តរូបភាពនាងទន្ទឹងនឹងរូបក្តារមឈូសនៅលើ Twitter ទៀតផង។

មិនត្រឹមតែប៉ុណ្ណោះក៏មានអ្នកមួយចំនួនថា V កំពុងលួចតាមដាន Jennie។ គួរបញ្ជាក់ដែរថា បន្ទាប់ពីបញ្ហាមួយនេះបានផ្ទុះឡើងខ្លាំងបែបនេះ V ក៏បានចេញមុខបកស្រាយនៅក្នុង Weverse បញ្ជាក់ថា គ្រាន់តែជាការច្រលំដៃចុច Follow Jennie នៅពេលដែលមានលោតណែនាំមិត្តនៅ IG ប៉ុណ្ណោះ រវាងអ្នកទាំងពីរ មិនមានទំនាក់ទំនងអ្វីស៊ីជម្រៅឡើយ៕

អត្ថបទទាក់ទង