ផ្លឹស-ខេអេក ញូវ

ខិតខំអស់កម្លាំងកាយចិត្ត Owen Cheung រំពឹងថានឹងអាចទទួលបានពានរង្វាន់សម្រាប់រឿងថ្មីដែលលោកសម្តែងតួជាអ្នកប្រដាល់

កម្សាន្ត
December 9th, 2021 (3 years)
Views: 324
Share

ហុងកុង៖ សម្រាប់ភាពយន្តថ្មី “The Ringmaster” ដែល Owen Cheung នឹងសម្តែងជាតួអង្គអ្នកប្រដាល់ លោកបានចំណាយពេលជិត១ឆ្នាំក្នុងការហាត់យកសាច់ដុំ៦កង់ ដែលរូបរាងរបស់តារាសម្តែងវ័យ ៣៤ឆ្នាំរូបនេះ មានការប្រែប្រួលទាំងស្រុងរហូតធ្វើឱ្យអ្នកគាំទ្រស្ងើចសរសើរមិនដាច់ពីមាត់។

Owen Cheung បានកំណត់ការហាត់ប្រាណ និងរបរអាហារយ៉ាងតឹងរ៉ឹងបំផុតក្នុងគោលបំណងសម្រាប់ថតភាពយន្តថ្មីរបស់លោក ហើយលោក ក៏សង្ឃឹមថាអ្នកគាំទ្រនឹងបានប្លែកអារម្មណ៍ជាមួយនឹងតួអង្គថ្មីបែបម៉ឺងម៉ាត់ រឹងមាំ ដែលវាមានភាពផ្ទុយស្រលះនឹងតួអង្គដែលលោកធ្លាប់សម្តែងកន្លងមកបែបក្រមិចក្រមើម។

ទន្ទឹមនឹងការដាក់ចិត្តដាក់កាយអស់ជាច្រើននេះ Owen Cheung សង្ឃឹមថា ភាពយន្តថ្មីរបស់លោកនឹងអាចឈ្នះពានរង្វាន់ TV King។ Owen Cheung បានបន្ថែមថា លោក បានខំប្រឹងជាខ្លាំងជាមួយភាពយន្តមួយនេះ ដែលវាមិនមែនជារឿងងាយឡើយក្នុងការថតភាពយន្តវាយបុកបែបនេះ ប្រសិនលោកមានឱកាសអាចឈ្នះបានពានរង្វាន់ពិតមែន លោកប្រាកដជាមិនអាចបំភ្លេចពេលដ៏សំខាន់ និងមានអត្ថន័យនោះបានឡើយក្នុងមួយជីវិត៕

អត្ថបទទាក់ទង