ផ្លឹស-ខេអេក ញូវ

សណ្ឋាគារ និងផ្ទះសំណាក់ ជាង២ម៉ឺន៨ពាន់បន្ទប់នៅខេត្ដសៀមរាប បានបើកដំណើរការឡើងវិញ

សង្គម
December 10th, 2021 (3 years)
Views: 619
Share

សៀមរាប៖ ប្រធានមន្ទីរទេសចរណ៍ខេត្តសៀមរាប លោក ង៉ូវ សេងកាក់ បានឱ្យដឹងថា សម្រាប់ខេត្តសៀមរាប មានសណ្ឋាគារប្រមាណជិត ២ម៉ឺនបន្ទប់ និងផ្ទះសំណាក់ចំនួន ៨.០០០បន្ទប់ បានបើកដំណើរការជាផ្លូវការ ចាប់ពីថ្ងៃទី០៨ ខែធ្នូ ឆ្នាំ២០២១។

ប្រធានមន្ទីរទេសចរណ៍ខេត្តសៀមរាប បានឱ្យដឹងថា ការបើកដំណើរការឡើងវិញនូវផ្ទះសំណាក់ និងសណ្ឋាគារនេះ ដោយសារភ្ញៀវទេសចរ នឹងចាប់ផ្តើមធ្វើដំណើរមកកម្សាន្តនៅខេត្តនេះជាបណ្តើរៗ។ លោកថា នៅថ្ងៃចុងសប្តាហ៍ ឬថ្ងៃបុណ្យជាតិ មានភ្ញៀវទេសចរមកម្សាន្ត នៅខេត្តដ៏មានសក្កានុពលមួយនេះប្រមាណ ៦.០០០នាក់ ជារៀងរាល់សប្តាហ៍។

នៅក្នុងវិបត្តិកូវីដ១៩ វិស័យទេសចរណ៍នៅក្នុងខេត្តសៀមរាប រងគ្រោះធ្ងន់ធ្ងរជាងគេ ដែលក្នុងនោះវិស័យសណ្ឋាគារ និងផ្ទះសំណាក់ បានបិទដំណើរការពី ៨០% ទៅ ៩០%។ ប៉ុន្តែបច្ចុប្បន្នគ្រប់ផ្នែកទាំងអស់ ដូចជាសេវាកម្មអាហារដ្ឋាន សណ្ឋាគារ និងផ្ទះសំណាក់ បានបើកដំណើរការឡើងវិញ ដែលជាផ្នែកមួយជួយជំរុញវិស័យសេដ្ឋកិច្ចជាតិឱ្យកាន់តែល្អប្រសើរនាពេលឆាប់ៗនេះ។

បើតាមការជូនដំណឹងរបស់ភ្នាក់ងារអាកាសចរណ៍កម្ពុជា កាលពីពេលថ្មីៗនេះ មានជើងហោះហើរចំនួន ២ខ្សែ គឺសាំងហ្កាពួ អ៊ែឡាញ និងម៉ៃអ៊ែឡាញ នឹងដឹកភ្ញៀវទេចរចូលមកខេត្តសៀមរាប៕

រូបថត៖ មន្ទីរព័ត៌មានខេត្តសៀមរាប

អត្ថបទទាក់ទង

សណ្ឋាគារ និងផ្ទះសំណាក់ ជាង​២ម៉ឺន៨ពាន់បន្ទប់​នៅ​ខេត្ដសៀមរាប បាន​បើកដំណើរការ​ឡើងវិញ

សណ្ឋាគារ និងផ្ទះសំណាក់ ជាង២ម៉ឺន៨ពាន់បន្ទប់នៅខេត្ដសៀមរាប បានបើកដំណើរការឡើងវិញ