ផ្លឹស-ខេអេក ញូវ

ព្យុះកំបុតត្បូង សម្លា ប់មនុស្សជាង ១០០ នាក់នៅភាគកណ្ដាល និងខាងត្បូងសហរដ្ឋអាមេរិក

សង្គម
December 12th, 2021 (2 years)
123
Share

អាមេរិក៖ មន្ត្រីបាននិយាយកាលពីថ្ងៃសៅរ៍ ទី១១ ខែធ្នូ ឆ្នាំ២០២១ ថា មនុស្សយ៉ាងហោចណាស់ ១០០ នាក់ បានស្លាប់នៅក្នុងរដ្ឋ Kentucky បន្ទាប់ពីព្យុះកំបុតត្បូង បានបោកបក់លើចម្ងាយផ្លូវ ២០០ ម៉ាយ (៣២១គីឡូម៉ែត្រ) ឆ្លងកាត់ ភាគកណ្ដាល និងភាគខាងត្បូង សហរដ្ឋអាមេរិក ដោយបានបំផ្លាញផ្ទះសម្បែង ហាងទំនិញ និង អគារជាច្រើនខ្នង។

ខ្យល់ព្យុះកំបុតត្បូងដ៏ខ្លាំង បានបំផ្លាញរោងចក្រទៀន ហើយភ្លើង និងប៉ុស្តិ៍ប៉ូលីសនៅក្នុងទីក្រុងតូចមួយក្នុងរដ្ឋ Kentucky បានវាយលុកផ្ទះថែទាំនៅរដ្ឋ Missouri ហើយបានសម្លាប់កម្មករយ៉ាងហោចណាស់ ៦នាក់នៅឃ្លាំងក្រុមហ៊ុន Amazon ។ នៅរដ្ឋ Illinois ។

អភិបាលរដ្ឋ Kentucky លោក Andy Beshear បាននិយាយថា វាគឺជាការបំផ្លិចបំផ្លាញបំផុតនៅក្នុងប្រវត្តិសាស្ត្ររបស់រដ្ឋ។ លោកបាននិយាយថា កម្មករប្រហែល ៤០ នាក់ត្រូវបានជួយសង្គ្រោះនៅរោងចក្រទៀនក្នុងទីក្រុង Mayfield ដែលមានមនុស្សប្រហែល ១១០ នាក់នៅខាងក្នុង មុនពេលវាត្រូវបានបំផ្លិចបំផ្លាញទាំងស្រុង។ លោកអភិបាលបាននិយាយថា ការស្វែងរកនរណាម្នាក់នៅក្រោមគំនរថ្មមិនមែនជាការងាយស្រួលឡើយ។

ឆ្មាំជាតិចំនួន ១៨៩ នាក់ត្រូវបានដាក់ពង្រាយដើម្បីជួយសង្គ្រោះ។ កិច្ចខិតខំប្រឹងប្រែងជួយសង្គ្រោះ ផ្តោតជាសំខាន់លើទីក្រុង Mayfield ដែលមានមនុស្សប្រហែល ១ម៉ឺននាក់ នៅភាគនិរតីនៃរដ្ឋ។

វីដេអូ និងរូបថតដែលត្រូវបានបង្ហោះនៅលើប្រព័ន្ធផ្សព្វផ្សាយសង្គមបានបង្ហាញពីអគារនៅកណ្តាលទីក្រុង Mayfield ត្រូវបានបំផ្លាញ។ អគារប្រវត្តិសាស្ត្រ Graves County ត្រូវបានដួលរលំ ហើយវិហារ First United Methodist ដែលនៅជិតនោះបានដួលរលំដោយផ្នែក។

លោក Victor Gensini សាស្ត្រាចារ្យផ្នែកវិទ្យាសាស្ត្រភូមិសាស្ត្រ និងបរិយាកាសនៅសាកលវិទ្យាល័យ Northern Illinois បាននិយាយថា សីតុណ្ហភាព និងសំណើមខ្ពស់ខុសពីធម្មតាបានបង្កើតបាតុភូតអាកាសធាតុខ្លាំងបែបនេះនៅឆ្នាំនេះ៕