ផ្លឹស-ខេអេក ញូវ

អតីតមិត្តស្រី Zhou Jie បកអាក្រាតថាលោកបង្ខំនាងឱ្យលេបថ្នាំពន្យារកំណើត តែបែរតារាប្រុសរូបនេះឆ្លើយតបវិញថាលោកស្រលាញ់ភេទដូចគ្នា

កម្សាន្ត
December 13th, 2021 (4 years)
Views: 555
Share

តៃវ៉ាន់៖ តារាសម្តែងវ័យ ៥២ឆ្នាំ Zhou Jie ធ្លាប់ទទួលបានប្រជាប្រិយភាពខ្លាំងក្នុងរឿង “ព្រះនាងយេយេ” ពេលនេះបានក្លាយជាប្រធានបទដែលគ្រប់គ្នាកំពុងវែកញែក ក្រោយស្ត្រីវ័យក្មេងម្នាក់ បានបកអាក្រាតលោកកាលពីថ្ងៃទី០៨ ខែធ្នូ ឆ្នាំ២០២១ ថានាងជាអតីតមិត្តស្រីរបស់ Zhou Jie។ តារាប្រុសរូបនេះជាមនុស្សអាត្មានិយមគួរឱ្យស្អប់ខ្ពើមបំផុត ដោយបានរៀបរាប់ថា៖

“ដោយសារអ្នកបង្ខំឱ្យខ្ញុំលេបថ្នាំពន្យារកំណើត ប៉ុន្មានថ្ងៃនេះខ្ញុំគេងមិនលក់ យល់សប្តិអាក្រក់ ប្រសិនជាអ្នកមានកូនស្រី ហើយមិត្តប្រុសរបស់នាងផ្តល់២ជម្រើសឱ្យ ដោយទី១ត្រូវលេបថ្នាំពន្យារកំណើត និងទី២បញ្ចប់ទំនាក់ទំនងជាមួយគ្នា តើអ្នកនឹងមានអារម្មណ៍បែបណា? តើអ្នកមានសិទ្ធិអីមកធ្វើបាបរាងកាយអ្នកដទៃដែលឪពុកម្តាយគេជាអ្នកផ្តល់ឱ្យបែបនេះ? តើអ្នកធ្លាប់គិតទេថា ទង្វើអាត្មានិយមរបស់អ្នកធ្វើឱ្យអ្នកដទៃឈឺចាប់ប៉ុណ្ណា?”

ក្រោយពីរឿងអាស្រូវបានផ្ទុះឡើងបែបនេះ ក្រលេកមើលពីតារាសម្តែង Zhou Jie វិញលោកបែរជាចែករំលែកសារមួយដ៏ខ្លីកាលពីថ្ងៃទី១១ ខែធ្នូ នេះសារភាពថា លោកជាមនុស្សស្រលាញ់ភេទដូចគ្នាទៅវិញ៕

អត្ថបទទាក់ទង