ផ្លឹស-ខេអេក ញូវ

អាកាសធាតុចុះត្រជាក់រហូតដល់១៦អង្សា នឹងកើតមានម្ដងទៀតចាប់ពីថ្ងៃទី២០ធ្នូ នៅកម្ពុជា

សង្គម
December 14th, 2021 (3 years)
Views: 175
Share

ភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា អាកាសធាតុចុះត្រជាក់ នឹងកើតមានសាជាថ្មី នៅសប្ដាហ៍ក្រោយ បន្ទាប់ពីកម្ពុជាទទួលរងឥទ្ធិពលនៃព្យុះទី២២ ឈ្មោះ រ៉ាយ (RAI) នៅក្នុងសប្ដាហ៍នេះ។

យោងតាមសេចក្ដីជូនដំណឹងរបស់ក្រសួង នៅល្ងាចថ្ងៃទី១៣ ខែធ្នូ ក្នុងមហាសមុទ្រប៉ាស៊ីហ្វិកបានកើតឡើងនូវព្យុះទី២២ ឈ្មោះ រ៉ាយ (RAI) ដែលអាចមានដំណើរឆ្លងកាត់ប្រទេសហ្វីលីពីនចូលក្នុងសមុទ្រចិនខាងត្បូង។

ក្នុងសប្ដាហ៍ខាងមុខ ព្រះរាជាណាចក្រកម្ពុជានឹងទទួលនូវឥទ្ធិពលសម្ពាធទាបខ្សោយ , ទ្រនុងសម្ពាធ ខ្ពស់ពីជើង (ចិន) និងខ្យល់មូសុងឦសាន។ នៅល្ងាចថ្ងៃទី១៣ ខែធ្នូ ព្យុះនេះមានទិសដៅតម្រង់ទៅប្រទេសវៀតណាម ក្បែរឆ្នេររួចងាកចេញមកក្បែរកោះហាយណាំ វិញដោយបន្តដំណើរឡើងទៅលើក្នុងសមុទ្រដែលឥទ្ធិពលក៏ថមថយជាបន្តបន្ទាប់ផងដែរ។ ព្យុះនេះ មានឥទ្ធិពលបន្តិចបន្តួចមកលើតំបន់ខ្ពង់រាបភាគឦសានប្រទេសកម្ពុជា ។

ស្ថានភាពបែបនេះនឹងធ្វើឱ្យបណ្តាខេត្តនៅតំបន់វាលទំនាបកណ្ដាល សីតុណ្ហភាពអប្បបរមា មានពី ២៣-២៥ ºC សីតុណ្ហភាពអតិបរមា មានពី ៣៤-៣៦ °C ។ ដោយឡែក នៅថ្ងៃទី២០-២១ ខែធ្នូ អាកាសធាតុចាប់ចុះត្រជាក់ ដោយសីតុណ្ហភាពអប្បបរមា មាន ពី១៧-១៩ °C និងអតិបរមា មានពី ២៥-២៧ °C ។

បណ្តាខេត្តជាប់ជួរភ្នំដងរែក និងខ្ពង់រាបឦសាន សីតុណ្ហភាពអប្បបរមា មានពី ២២-២៤ °C សីតុណ្ហភាពអតិបរមា មានពី ៣៣-៣៦ °C ។ នៅថ្ងៃទី១៩ ខែធ្នូ អាចមានពពកច្រើន មានភ្លៀងខ្សោយ និងខ្យល់ខ្លាំង។ ដោយឡែក នៅថ្ងៃទី២០-២១ ខែធ្នូ អាកាសធាតុចាប់ចុះត្រជាក់ ដោយសីតុណ្ហភាពអប្បបរមា មាន ពី១៦-១៨ °C និងអតិបរមា មានពី២៥-២៧ °C ។

ចំណែកតំបន់មាត់សមុទ្រ សីតុណ្ហភាពអប្បបរមា មានពី ២៣-២៥ °C សីតុណ្ហភាពអតិបរមា មានពី ៣៣-៣៥ °C ។ ដោយឡែក នៅថ្ងៃទី២០-២១ ខែធ្នូ អាកាសធាតុចាប់ចុះត្រជាក់ ដោយសីតុណ្ហភាពអប្បបរមា មាន ពី១៩-២១ °C និងអតិបរមា មានពី២៧-២៩ °C ៕

អត្ថបទទាក់ទង

អាកាសធាតុ​ចុះត្រជាក់​រហូត​ដល់​១៦អង្សា នឹងកើតមាន​ម្ដងទៀត​ចាប់ពី​ថ្ងៃទី២០ធ្នូ នៅ​កម្ពុជា

អាកាសធាតុចុះត្រជាក់រហូតដល់១៦អង្សា នឹងកើតមានម្ដងទៀតចាប់ពីថ្ងៃទី២០ធ្នូ នៅកម្ពុជា