×

កើតទឹកនោមផ្អែម ព្យាបាល​ដោយ​ថ្នាំបុរាណ​ដូច​សម្លា ប់​អ្នកជំងឺ

បើកើតទឹកនោមផ្អែម ហើយស្វែករកការព្យាបាលដោយឱសថបុរាណ ប្រៀបនឹងសម្លាប់អ្នកជំងឺ នេះបើតាមការលើកឡើងរបស់លោកសាស្ត្រាចារ្យមហាបរិញ្ញា សេង សេរី ឯកទេសជំងឺទឹកនោមផ្អែម។

លោកសាស្ត្រាចារ្យវេជ្ជបណ្ឌិតបង្រៀននៅសាកលវិទ្យាល័យវិទ្យាសាស្ត្រសុខាភិបាលរូបនេះ បន្តថា អ្នកជំងឺទឹកនោមផ្អែមដែលធ្លាក់ខ្លួនធ្ងន់ធ្ងរ ដោយសារតែខ្វះការព្យាបាលត្រឹមត្រូវតាមក្បូនពេទ្យ ច្រើនជឿការផ្សព្វផ្សាយពីការព្យាបាលដោយថ្នាំបុរាណ។ ការជឿលើថ្នាំបុរាណ មិនត្រឹមតែធ្វើឱ្យជំងឺកាន់តែធ្ងន់ធ្ងរនោះទេ គឺខាតបង់ទាំងពេលវេលា ចំណាយលុយកាក់ច្រើន ហើយធ្លាក់ខ្លួនពិការទៀត។

“អ្នកជំងឺច្រើនតែជឿថា ស្លឹកនេះជាមួយស្លឹកនោះ ប្រើទៅជាទឹកនោមផ្អែម ធ្វើអ៊ីចឹងដូចសម្លាប់អ្នកជំងឺវិញទេ ដែលយើងផ្សព្វផ្សាយបែបហ្នឹង បើគេធ្វើអ៊ីចឹងកើត ពិភពលោកគេមិនទុកឱ្យអ្នកកើតទឹកនោមផ្អែម ដល់ ៥០០-៦០០ លាននាក់នោះទេ គេព្យាបាលជាហើយ”។ លោកសាស្ត្រាចារ្យវេជ្ជបណ្ឌិត រៀបរាប់។

ផ្ទុយមកវិញ លោកវេជ្ជបណ្ឌិតថា បើអ្នកជំងឺទឹកនោមផ្អែមដែលទទួលបានការព្យាបាលត្រឹមត្រូវ ជាមួយគ្រូពេទ្យជំនាញ អាចរស់បានយូរដូចមនុស្សធម្មតា អាយុអាចដល់ ៧០-៨០ឆ្នាំ ធ្វើកិច្ចការងារអ្វីក៏បាន។ ចំពោះអ្នកដែលមានជំងឺទឹកនោមផ្អែម ហើយមានដំបៅជើង ត្រូវកាត់ជើងចោល ភាគច្រើនអ្នកជំងឺទទួលការព្យាបាលមិនបានត្រឹមត្រូវដូចគ្នា។

ជាដំបូន្មានសម្រាប់អ្នកជំងឺទឹកនោមផ្អែម លោកវេជ្ជបណ្ឌិត សេង សេរី ថា អ្នកជំងឺត្រូវព្យាបាលឱ្យបានជាប់លាប់ តាមដានកម្រិតជាតិស្ករក្នុងឈាមឱ្យបានត្រឹមត្រូវ ឧស្សហ៍ជួបពិគ្រោះជាមួយគ្រូពេទ្យ ចំណែកចំណីចំណុក ត្រូវចៀសវាងពពួកអាហារណាផ្អែមខ្លាំង៕

ប្រភព៖ Hellokrupet

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika