ផ្លឹស-ខេអេក ញូវ

មនុស្ស ២៧នាក់ជាប់ក្នុងអគារភ្លើងឆេះ ក្នុងទីក្រុងអូសាកា សង្ស័យស្លា ប់ទាំងអស់

សង្គម
December 17th, 2021 (2 years)
80
Share

អូសាកា៖ មន្ត្រីពន្លត់អគ្គីភ័យបាននិយាយថា មនុស្សចំនួន ២៧ នាក់ប្រហែលជាបាត់បង់ជីវិត បន្ទាប់ពីអគ្គីភ័យមួយ បានឆាបឆេះអគារគ្លីនិកសុខភាពផ្លូវចិត្តមួយ នៅក្នុងទីក្រុងអូសាការបស់ប្រទេសជប៉ុន នាថ្ងៃសុក្រ ទី១៧ ខែធ្នូ ឆ្នាំ២០២១នេះ។

រូបភាពតាមទូរទស្សន៍ក្នុងស្រុក បានបង្ហាញពីអ្នកពន្លត់អគ្គីភ័យរាប់សិបនាក់ កំពុងធ្វើការនៅខាងក្នុង និងខាងក្រៅអគារ បន្ទាប់ពីភ្លើងត្រូវបានពន្លត់។ ផ្នែកខាងក្នុងដែលឆេះនៅជាន់ទី៤ ជាកន្លែងផ្តល់សេវាសុខភាពផ្លូវចិត្ត និងការថែទាំសុខភាពទូទៅ។ អ្នកនាំពាក្យប៉ូលិសក្រុងអូសាកា បានប្រាប់ថា ក្រុមមន្ត្រីកំពុងស៊ើបអង្កេតរកមូលហេតុនៃអគ្គិភ័យនេះ។

ទូរទស្សន៍សាធារណៈ NHK បានដកស្រង់ប្រភពពីប៉ូលីសដោយនិយាយថា វាអាចទៅរួច ដែលថាមានការលួចដុត។ មន្ត្រីនាយកដ្ឋានពន្លត់អគ្គិភ័យក្រុងអូសាកាម្នាក់បន្តថា មនុស្ស ២៧នាក់ក្នុងចំណោមមនុស្ស ២៨នាក់ រងរបួសក្នុងអគ្គិភ័យ ហើយមិនមានសង្ឃឹមថានឹងមានជីវិត ឡើយ។

អគ្គិភ័យ មិនមែនជារឿងធម្មតានៅក្នុងប្រទេសជប៉ុនឡើយ ហើយឧក្រិដ្ឋកម្ម ក៏កម្រមានដែរ។ កាលពីមួយឆ្នាំមុន បុរសម្នាក់ ត្រូវបានចោទប្រកាន់ពីបទមនុស្សឃាតជុំវិញការវាយប្រហារដោយដុតស្ទូឌីយ៉ូគំនូរជីវចលនៅទីក្រុងក្យូតូ កាលពីឆ្នាំ២០១៩ ដែលបានសម្លាប់មនុស្សចំនួន ៣៦នាក់ ដែលជាឧក្រិដ្ឋកម្មដ៏ឃោរឃៅបំផុតរបស់ប្រទេសនេះ ក្នុងរយៈពេលជាច្រើនទសវត្សរ៍។ ការវាយប្រហារនេះ បានធ្វើឱ្យមានការភ្ញាក់ផ្អើលពេញឧស្សាហកម្មគំនូរជីវចល និងអ្នកគាំទ្ររបស់ខ្លួន នៅក្នុងប្រទេសជប៉ុន និងជុំវិញពិភពលោក។

ការវាយប្រហារស្រដៀងគ្នា កាលពីឆ្នាំ២០០៨ លើហាងលក់ឌីសវីដេអូមួយក្នុងទីក្រុងអូសាកា បានសម្លាប់ មនុស្ស ១៦នាក់៕

អត្ថបទទាក់ទង

មនុស្ស ២៧នាក់​ជាប់​ក្នុង​អគារភ្លើងឆេះ ក្នុងទីក្រុង​អូសាកា សង្ស័យ​ស្លា ប់​ទាំងអស់

មនុស្ស ២៧នាក់ជាប់ក្នុងអគារភ្លើងឆេះ ក្នុងទីក្រុងអូសាកា សង្ស័យស្លា ប់ទាំងអស់