ផ្លឹស-ខេអេក ញូវ

ទិដ្ឋភាពហាត់សមថ្ងៃចុងក្រោយ ត្រៀមពិធីសម្ពោធជាផ្លូវការ វិមានកីឡដ្ឋាន នៃពហុកីឡដ្ឋានមរតកតេជោ

កីឡា
December 17th, 2021 (5 years)
Views: 447
Share

គណៈកម្មាធិការជាតិរៀបចំការប្រកួតកីឡាស៊ីហ្គេមកម្ពុជា ឆ្នាំ២០២៣ បានចែករំលែករូបភាព នៃទិដ្ឋភាពហាត់សមថ្ងៃចុងក្រោយ ដើម្បីត្រៀមសម្ដែង និងអប អរសាទរពិធីសម្ពោធដាក់ឱ្យប្រើប្រាស់ជាផ្លូវការ វិមានកីឡដ្ឋាននៃពហុកីឡដ្ឋានជាតិមរតកតេជោ និងពិធីរាប់ថយក្រោយ ៥០២ថ្ងៃនៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដែលនឹងប្រារព្ធធ្វើឡើង នាព្រឹកថ្ងៃសៅរ៍ ទី១៨ ខែធ្នូ ឆ្នាំ២០២១ ស្អែកនេះ ក្រោមអធិបតីភាពរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃកម្ពុជា និងលោក វ៉ាង វិនធាន ឯកអគ្គរដ្ឋទូចចិនប្រចាំនៅកម្ពុជា។

ការហាត់សមលើកចុងក្រោយ នៅព្រឹកថ្ងៃទី១៧ ខែធ្នូនេះ ដឹកនាំ និងត្រួតពិនិត្យដោយ លោក ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC)។ រីឯនៅល្ងាចថ្ងៃដដែលនេះ ក៏នឹងមានរៀបចំពិធីក្រុងពាលីសុំសេចក្ដីសុខ មុនឈានដល់ពិធីសម្ពោធដាក់ឱ្យប្រើប្រាស់ជាផ្លូវការ នូវសមិទ្ធផលដ៏អស្ចារ្យជាប្រវត្តិសាស្ដ្រនាព្រឹកស្អែកផងដែរ៕

ប្រភព៖ Camsoc 2023

អត្ថបទទាក់ទង

ទិដ្ឋភាព​ហាត់សម​ថ្ងៃចុងក្រោយ ត្រៀម​ពិធី​សម្ពោធ​ជាផ្លូវការ វិមានកីឡដ្ឋាន នៃ​ពហុកីឡដ្ឋាន​មរតក​តេជោ

ទិដ្ឋភាពហាត់សមថ្ងៃចុងក្រោយ ត្រៀមពិធីសម្ពោធជាផ្លូវការ វិមានកីឡដ្ឋាន នៃពហុកីឡដ្ឋានមរតកតេជោ