ផ្លឹស-ខេអេក ញូវ

អាជ្ញាធរជាតិអប្សរា ធ្វើការជួសជុលក្បាច់ចម្លាក់នៅប្រាសាទភ្នំក្រោមដែលកំពុងទទួលរងការខូចខាតធ្ងន់ធ្ងរ

សង្គម
December 22nd, 2021 (4 years)
Views: 318
Share

សៀមរាប៖ ក្រុមអ្នកបច្ចេកទេសអាជ្ញាធរជាតិអប្សរា កំពុងដំណើរការជួសជុលសង្រ្គោះក្បាច់ចម្លាក់នានា នៅប្រាសាទភ្នំក្រោម ដែលកំពុងទទួលរងនូវការខូចខាតធ្ងន់ធ្ងរ ប្រឈមនឹងគ្រោះថ្នាក់ខ្លាំង ដោយថ្មប្រាសាទមានការពុកផុយ របេះធ្លាក់ ពិសេសនៅរដូវវស្សា។

ការជួសជុលដែលចាប់ដំណើរការពីដើមខែធ្នូ ឆ្នាំ២០២១មកនេះ បានផ្តោតសំខាន់ទៅលើការងារពង្រឹងក្បាច់ចម្លាក់មួយចំនួនដែលនៅសេសសល់តាមជញ្ជាំងប្រាសាទ កុំឱ្យខូចខាតបន្តទៀត។ ដោយប្រើប្រាស់ប្រភេទកាវពិសេសម្យ៉ាង បាញ់បញ្ចូលក្នុងសាច់ថ្មដែលពុកផុយ ឱ្យមានភាពរឹងមាំឡើងវិញ។

គម្រោងនេះ ត្រូវប្រើពេលយ៉ាងហោចក៏៣ខែដែរ ដោយគ្រោងនឹងបញ្ចប់នាដំណាច់ខែកុម្ភៈ ឆ្នាំ២០២២ខាងមុខ៕

អត្ថបទទាក់ទង