ផ្លឹស-ខេអេក ញូវ

មកដឹងពីរបៀបនៃការជួសជុលសសរទាំង២៣នៅថែវព្រះពាន់ នៃប្រាសាទអង្គរវត្ត ដែលនឹងបញ្ចប់នៅដំណាច់ឆ្នាំ២០២១

សង្គម
December 23rd, 2021 (3 years)
Views: 384
Share

សៀមរាប៖ ក្រុមអ្នកជំនាញនៃអាជ្ញាធរជាតិអប្សរា កំពុងជួសជុលសសរចំនួន ២៣ ក្នុងចំណោមសសរចំនួន៨៣នៅថែវព្រះពាន់នៃប្រាសាទអង្គរវត្ត ដែលកំពុងប្រឈមនឹងការពុកផុយខូចខាតខ្លាំងដោយសារធម្មជាតិ និងអាយុកាលយូរឆ្នាំ ហើយការជួសជុលនេះ គ្រោងនឹងបញ្ចប់នាចុងឆ្នាំ២០២១។

លោក សយ សុភារិន្ទ មន្ត្រីបច្ចេកទេសនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា បានឱ្យដឹងថា កត្តាដែលធ្វើឱ្យសសរចំនួន ២៣ នៅថែវព្រះពាន់នៃប្រាសាទអង្គរវត្តពុកផុយ បណ្ដាលមកពីស្លែល្អិតៗដែលបង្កើតបានទៅជាបាក់តេរី និងកត្តាបង្កដោយសារធាតុគីមី ហើយបំលែងទៅជាអាស៊ីដ រួមជាមួយកម្តៅ និងសំណើមផ្សេងៗទៀត។ ចំំពោះការជួសជុលសសរទាំង ២៣នេះ បានបែងចែកជា ២ដំណាក់កាល ដោយដំណាក់កាលទី១ បានជួសជុលចំនួន ១២សសរ ចាប់ផ្តើមកាលពីពាក់កណ្តាលខែឧសភា ដល់ពាក់កណ្តាលខែធ្នូ ឆ្នាំ២០២១ និងដំណាក់កាលទី២ បានជួសជុលចំនួន ១១សសរទៀត ដោយចាប់ផ្តើមពីពាក់កណ្តាលខែតុលា ដល់ពាក់កណ្តាលខែធ្នូ ឆ្នាំ២០២១។

សូមបញ្ចាក់ថា នៅរាល់មុនពេលចាប់ផ្តើមជួសជុល ក្រុមអ្នកជំនាញតែងតែប្រើឧបករណ៍ធ្វើតេស្តរកជាតិអំបិលដែលជាប្រភពនៃការបំផ្លាញសសរ បន្ទាប់មកក្រុមអ្នកជំនាញបានប្រើប្រាស់ឧបករណ៍ ទែកម៉ូក្រាហ្វី (The rmography) ដើម្បីថតស្កេនលើសសរទាំងឡាយ ដើម្បីរកមើលកម្រិតសំណើមក្នុងសសរនីមួយៗ ហើយក៏ប្រើឧបករណ៍ អ៊ុលត្រាសោន (Ultrasound) ដើម្បីថតផ្ទៃខាងក្នុងរបស់ថ្ម ដើម្បីចង់ដឹងពីភាពពុកផុយរបស់វាកម្រិតណាដែរ៕

អត្ថបទទាក់ទង