ផ្លឹស-ខេអេក ញូវ

ហាងលក់ប៊ឺហ្គឺមួយកន្លែងនៅចិន ដាក់តុអាហារជាម៉ាស៊ីនធាក់កង់ ដើម្បីឱ្យភ្ញៀវបានដុតកាឡូរី

សង្គម
December 24th, 2021 (3 years)
Views: 199
Share

ចិន៖ ថ្មីៗនេះ វីដេអូរបស់ស្ត្រីជនជាតិម្នាក់ កំពុងអង្គុយញ៉ាំប៊ឺហ្គឺយ៉ាងមានក្តីសុខ ខណៈពេលដែលជើងរបស់នាង ក៏បានធាក់កង់ធ្វើលំហាត់ប្រាណដើម្បីដុតកាឡូរីផងនោះ កំពុងទទួលបានការចាប់អារម្មណ៍។

តាមការឱ្យដឹងពីអ្នកលេងបណ្តាញសង្គមតិកតុកបាននិយាយថា មានហាងប៊ឺហ្គឺមួយ បានដាក់តុញ៉ាំអាហារជាម៉ាស៊ីនធាក់កង់ ដើម្បីឱ្យអតិថិជនបានដុតកាឡូរីបានខ្លះ សម្រាប់ការញ៉ាំអាហារដែលងាយឱ្យឡើងគីឡូបែបនេះ។

ប៉ុន្តែក៏មិនមែនបានន័យថា ហាងទាំងមូលបានប្តូរដាក់ម៉ាស៊ីនមួយនេះទាំងអស់ដែរ សម្រាប់ជ្រុងខ្លះ ក៏ឃើញមានកៅអីធម្មតាដែលអតិថិជន អាចជ្រើសរើសអង្គុយបានតាមចំណូលចិត្ត។

វីដេអូរបស់ស្ត្រីវ័យក្មេងរូបនោះ ត្រូវបានចែកចាយនៅលើបណ្តាញសង្គមចិន រហូតទទួលបានការចាប់អារម្មណ៍ជាខ្លាំង។ ទោះជាយ៉ាងណា ក៏មានមតិមួយចំនួនបានលើកឡើងថា នេះមិនមែនជាម៉ាស៊ីនធាក់កង់ហាត់ប្រាណអ្វីឡើយ វាគ្រាន់តែជាម៉ាស៊ីនសាកថ្មសម្រាប់ឧបករណ៍ចល័តប៉ុណ្ណោះ៕

អត្ថបទទាក់ទង

ហាងលក់​ប៊ឺហ្គឺ​មួយកន្លែង​នៅចិន ដាក់​តុអាហារ​ជាម៉ាស៊ីន​ធាក់កង់ ដើម្បី​ឱ្យភ្ញៀវ​បានដុតកាឡូរី

ហាងលក់ប៊ឺហ្គឺមួយកន្លែងនៅចិន ដាក់តុអាហារជាម៉ាស៊ីនធាក់កង់ ដើម្បីឱ្យភ្ញៀវបានដុតកាឡូរី