×

Man City យល់ព្រម​លក់​ខ្សែប្រយុទ្ធ Ferran Torres ទៅឱ្យ Barcelona

Manchester City បានយល់ព្រមលើកិច្ចព្រមព្រៀងលក់ខ្សែប្រយុទ្ធ Ferran Torres ទៅឱ្យ Barcelona ដោយក្លិបអ្នកមានបុណ្យ បានយល់ព្រមបង់ប្រាក់ចំនួន ៤៦,៧ លានផោន ជាមួយការបន្ថែម ៨,៥ លានផោន សម្រាប់កីឡាករវ័យ ២១ឆ្នាំ។

ជាការពិត ក្លិប Barcelona អាចផ្តល់មូលនិធិដល់កិច្ចព្រមព្រៀងនេះ ទោះបីជាមានបញ្ហាហិរញ្ញវត្ថុបច្ចុប្បន្នរបស់ពួកគេ ដោយសារប្រាក់កម្ចីពីធនាគារថ្មីៗនេះ។ ទោះជាយ៉ាងណា ពួកគេនឹងមិនអាចបន្ថែម Torres ទៅក្នុងក្រុមបានទេ លុះត្រាតែលក់កីឡាករមួយចំនួន ដើម្បីអនុលោមតាមបទប្បញ្ញត្តិហិរញ្ញវត្ថុរបស់ La Liga ។

Ferran Torres ដែលបានបង្ហាញខ្លួនចំនួន ៤៣ ប្រកួត និងទាត់បញ្ចូលទីបាន ១៦ គ្រាប់សម្រាប់ Man City ចាប់តាំងពីចូលរួមជាមួយ Valencia ក្នុងខែសីហា ឆ្នាំ២០២០ បានយល់ព្រមលើការផ្ទេរនេះ។ រូបគេបានចាប់ផ្តើមការប្រកួតបើកឆាកចំនួន ៦ របស់ Man City នៃរដូវកាលនេះ ប៉ុន្តែត្រូវបានទម្លាក់ទៅលេងជាកីឡាករបម្រុង ហើយគេក៏មិនទាន់ធ្វើបានល្អ ចាប់តាំងពីបានរងរបួសជើងក្នុងការលេងឱ្យអេស្ប៉ាញនៅខែបន្ទាប់។

Ferran Torres ចង់បានការលេងទៀងទាត់មួយ ខណៈ Man City មានជម្រើសច្រើនក្នុងមុខតំណែងខ្សែប្រយុទ្ធ ដោយមាន Bernardo Silva, Jack Grealish, Riyad Mahrez, Raheem Sterling, Gabriel Jesus និង Phil Foden ។

Barcelona បានប្រាប់ Torres ថា គេនឹងក្លាយជាកីឡាករសំខាន់មួយរូបរបស់ក្រុម អមជាមួយនឹងយុវជន Ansu Fati របស់ក្រុម។ Torres ត្រូវបានគេរំពឹងថា អាចនឹងមកដល់ទីក្រុង Barcelona នៅក្នុងសប្តាហ៍នេះដើម្បីធ្វើតេស្តសុខភាព និង ចុះហត្ថលេខាជាមួយក្រុមអ្នកបុណ្យ ដើម្បីជ្រើសរើសថ្ងៃក្នុងការប្រកាសលើបណ្តាញសង្គមជាផ្លូវការ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

អត្ថបទទាក់ទង