ផ្លឹស-ខេអេក ញូវ

អ្នកផាត់មុខប្រចាំខ្លួនរបស់តារាសម្តែង Julian Cheung អរគុណតារាប្រុសរូបនេះដែលនៅតែផ្តល់ឱកាសការងាររយៈពេល ៣០ឆ្នាំមកនេះ

កម្សាន្ត
December 28th, 2021 (4 years)
Views: 465
Share

ហុងកុង៖ សិល្បករនីមួយៗមិនថានៅតាមបណ្តាប្រទេសណាឡើយតែងត្រូវផាត់មុខមុនពេលចូលកាមេរ៉ាដើម្បីលើកសម្រស់កុំឱ្យឃើញស្លេកស្លក់។ ដូចនេះ ពួកគេក៏មានអ្នកផាត់មុខផ្ទាល់ខ្លួន ដើម្បីជួយសម្រួលពេលកំពុងធ្វើការងារប្រចាំថ្ងៃផងដែរ។

ជាក់ស្តែង សម្រាប់តារាសម្តែងប្រុស Julian Cheung កំពុងទទួលបានការចាប់អារម្មណ៍ខ្លាំងក្រោយដឹងថា អ្នកជំនាញផាត់មុខម្នាក់ឈ្មោះ Huang Jingyuan ដែលជាជាងផាត់មុខប្រចាំខ្លួនរបស់ Julian បានសហការការងារជាមួយគ្នាអស់រយៈពេល ៣ទសវត្សរ៍មកហើយ ដែលនេះបានធ្វើឱ្យមហាជនយល់ថា តារាប្រុសរូបនេះគឺជាមេដ៏ល្អម្នាក់។

ទន្ទឹមនឹងធ្វើការជាមួយគ្នារាប់សិបឆ្នាំបែបនេះ អ្នកជំនាញផាត់មុខ Jingyuan ក៏បានអរគុណដល់ Julian ដែលមិនប្រកាន់គាត់មានអាយុច្រើន និងនៅតែផ្តល់ឱកាសការងារឱ្យគាត់ធ្វើដដែល។ សម្រាប់ពាក្យនេះដែរ ធ្វើឱ្យ Julian ឆ្លើយតបវិញថា៖ “អ្នកក៏បានធ្វើឱ្យខ្ញុំទទួលបានការងារច្រើនដូចគ្នា ខ្ញុំពិតជាសប្បាយចិត្តណាស់”។

គួរបញ្ជាក់ដែរថា Jingyuan បានក្លាយជាអ្នកផាត់មុខប្រចាំខ្លួនរបស់ តារាសម្តែង Julian តាំងពីថ្ងៃដែលលោកចូលប្រឡូកក្នុងសិល្បៈដំបូងម្ល៉េះ នៅពេលថតរូបផ្សព្វផ្សាយលើកដំបូងកាលពីឆ្នាំ១៩៩១៕

អត្ថបទទាក់ទង