ផ្លឹស-ខេអេក ញូវ

ទឹកជំនន់វាយប្រហាររដ្ឋចំនួន៧ ក្នុងប្រទេសម៉ាឡេស៊ី ខណៈមនុស្សរាប់ពាន់នាក់ទៀត ត្រូវបានជម្លៀសចេញ

សង្គម
January 3rd, 2022 (3 years)
Views: 248
Share

កូឡាឡាំពួរ៖ ទីភ្នាក់ងារគ្រប់គ្រងគ្រោះមហន្តរាយជាតិម៉ាឡេស៊ី បាននិយាយថា រដ្ឋចំនួនប្រាំពីរក្នុងប្រទេសម៉ាឡេស៊ី បានរងគ្រោះដោយទឹកជំនន់ កាលពីថ្ងៃអាទិត្យ ទី២ ខែមករា ឆ្នាំ២០២២ ហើយមនុស្សរាប់ពាន់នាក់ ត្រូវបានជម្លៀសចេញ ដោយធ្វើឱ្យចំនួនសរុបដែលរងផលប៉ះពាល់ដោយភ្លៀងធ្លាក់ខ្លាំង ក្នុងរយៈពេលពីរសប្តាហ៍ចុងក្រោយនេះឡើងដល់ជាង ១២៥.០០០នាក់។

ទីភ្នាក់ងារនេះ បាននិយាយនៅក្នុងសេចក្តីថ្លែងការណ៍មួយថា រដ្ឋ Kelantan, Terengganu, Pahang, Johor, Malacca, Negeri Sembilan និង រដ្ឋ Sabah រងផលប៉ះពាល់ដោយទឹកជំនន់ ហើយមនុស្ស ៨.៧២៧ នាក់កំពុងទទួលជម្រកនៅមជ្ឈមណ្ឌលសង្គ្រោះចំនួន ១២៨ ។

មនុស្សសរុបចំនួន ១២៥.៤៩០ នាក់ បានរងផលប៉ះពាល់ដោយទឹកជំនន់ទូទាំងប្រទេស ដែលក្នុងនោះមានអ្នកជម្លៀសចំនួន ១១៧.៧០០នាក់បានត្រឡប់ទៅផ្ទះរបស់ពួកគេវិញវិញ។

សូមម្រាបថា ទឹកជំនន់គឺជារឿងធម្មតា នៅឆ្នេរសមុទ្រភាគខាងកើតនៃប្រទេសម៉ាឡេស៊ី ក្នុងរដូវខ្យល់មូសុងប្រចាំឆ្នាំរវាងខែតុលាដល់ខែមីនា ប៉ុន្តែភ្លៀងធ្លាក់ខ្លាំង មិនធម្មតាដែលបានចាប់ផ្តើមកាលពីថ្ងៃទី១៧ ខែធ្នូ បានធ្វើឱ្យមនុស្សរាប់ពាន់នាក់ផ្លាស់ទីលំនៅ និងសេវាសង្គ្រោះបន្ទាន់មានភាពមមាញឹក។ មនុស្ស ៥០ នាក់បានស្លាប់នៅក្នុងទឹកជំនន់ ហើយ ២នាក់ទៀតនៅតែបាត់ខ្លួន

នាយកដ្ឋានធារាសាស្ត្រ និងប្រព័ន្ធលូ បានចេញការព្រមានអំពីជំនោរខ្ពស់នៅចន្លោះថ្ងៃទី ២-៥ ខែមករា និងបានព្រមានប្រជាជននៅឆ្នេរសមុទ្រភាគខាងលិចក្នុងឧបទ្វីបម៉ាឡេស៊ី ឱ្យមានការប្រុងប្រយ័ត្ន៕

អត្ថបទទាក់ទង

ទឹកជំនន់​វាយប្រហារ​រដ្ឋ​ចំនួន៧ ក្នុង​ប្រទេស​ម៉ាឡេស៊ី ខណៈ​មនុស្ស​រាប់ពាន់​នាក់ទៀត ត្រូវបាន​ជម្លៀស​ចេញ

ទឹកជំនន់វាយប្រហាររដ្ឋចំនួន៧ ក្នុងប្រទេសម៉ាឡេស៊ី ខណៈមនុស្សរាប់ពាន់នាក់ទៀត ត្រូវបានជម្លៀសចេញ