×

Barcelona ចង់យក Dembele សម្រាប់​ប្ដូរយក Anthony Martial ក្នុង​ខែមករា

ក្លិប Barcelona ត្រូវបានគេរាយការណ៍មកថា នឹងផ្ដល់ជូនកីឡាករ Ousmane Dembele សម្រាប់ការដោះដូរជាមួយកីឡាករ Anthony Martial ពីក្លិប Manchester United នៅទីផ្សារដោះដូរកីឡាករ ក្នុងខែមករា ឆ្នាំ២០២២នេះ។

សេចក្ដីរាយការណ៍ពី The Sun ដែលដកស្រង់ពីប្រភពពីតំបន់កាតាឡាន់ អះអាងថា គ្រូបង្វឹកលោក Xavi កំពុងដុតដៃដុតជើងក្នុងការចុះហត្ថលេខាលើខ្សែប្រយុទ្ធម្នាក់ បន្ទាប់ពីការចូលនិវត្តន៍របស់ខ្សែប្រយុទ្ធ Sergio Aguero ។

Martial បានបញ្ជាក់យ៉ាងច្បាស់ថា ខ្លួនចង់ចាកចេញពីកីឡដ្ឋាន Old Trafford ក្នុងខែមករានេះ បន្ទាប់ពីទទួលការចំណាប់អារម្មណ៍ពីក្លិប Sevilla ។ ប៉ុន្តែឥឡូវនេះ Barcelona បានបង្ហាញការចាប់អារម្មណ៍ដេញថ្លៃ រួមទាំងកិច្ចសន្យាដែលមានភ្ជាប់ជាមួយ Dembele ។ ខ្សែបម្រើស្លាបនេះ គ្រោងនឹងផុតកុងត្រា នៅរដូវក្តៅ បន្ទាប់ពីបដិសេធលើកិច្ចព្រមព្រៀងថ្មីជាមួយក្រុមអ្នកមានបុណ្យ។

Man United ធ្លាប់បានទាក់ទងជាមួយ Dembele ជាយូរណាស់មកហើយ ហើយការផ្លាស់ប្តូរជាមួយនឹង Martial អាចនឹងទៅរួចផងដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អ្នកអាចចែករំលែកដោយ៖

អត្ថបទទាក់ទង